昨日，電影《寒戰II》三位影帝級主角周潤發（發哥）、梁家輝及郭富城（城城）舉行「挑戰世界Selfie紀錄」活動，吸引超過1,000名市民齊集場館參與。現場發哥親自手執電話，在三分鐘內與超過131人逐一自拍，打破原紀錄的105人，電影公司表示會將新紀錄提交「健力士世界紀錄」。
與131人自拍，周潤發有望打破「健力士世界紀錄」。
被稱為「Selfie King」的發哥挑戰世界Selfie紀錄，他事先已安排工作人員試位，又親自指揮現場燈光安排，並請來專業人士及計時員見證。經過三分鐘狂撳電話後，發哥終於完成首輪挑戰，他表示：「影咗過千張相，一秒拍六至八張，但有幾吓甩咗手，驚破唔到紀錄，聽講有兩次機會，所以決定嚟多次。」
狂影過千張相
在第二次挑戰時，發哥要求所有參加者盡量不要動，以免影響拍攝，就連城城、家輝都不敢亂動。最終有131位參加者成功和發哥自拍，超過原紀錄的105人。發哥表示：「開頭影咗999張停咗，之後再影577張，加埋影咗1,576張，應該破到紀錄。」家輝就問發哥：「你會唔會好辛苦？」發哥答：「唔辛苦，平時大家叫我影相，我都話舉手之勞。」
滿場飛的周潤發於活動過後仍繼續自拍。
發哥對戲唔攞劇本
完成挑戰後，三大影帝齊齊接受訪問。城城表示：「當年拍《寒戰》時就話希望有機會同發哥合作，點知佢第二集真係嚟咗，開心到瞓唔著。」發哥聽聞即說：「我掹車邊減片酬都要嚟！我好鍾意第一集，有機會同兩位學下嘢幾好。」一旁的家輝則表示：「發哥喺片場好專注，唔使拎劇本，所以同佢拍對手戲，我都唔可以失禮佢。」
周潤發、梁家輝及郭富城一齊出席活動宣傳新戲《寒戰II》。
下載APP