（郭富城下月將到北京、上海、日本及韓國等地舉行巡迴演唱會。）
（郭富城和周潤發雙雙入圍香港「金像獎」影帝提名。）
（郭富城籌備個唱要避免激烈活動，賽車和騎馬都要暫停。）
（郭富城感激老婆方媛於拍攝電影《無雙》期間，給予很大支持。）
（情人節當天，方媛於社交網站大放閃光彈。）
郭富城（城城）日前以大使身分出席馬術賽事頒獎，他表示有機會都會讓女兒學習騎馬。城城將於下月開始，到北京、上海、日本及韓國等地舉行巡迴演唱會，所以現時要避免太激烈的活動，賽車和騎馬都要暫時停一停。問到有否預留時間陪太太方媛（Moka）待產？他表示：「公司會為我騰空預產嗰段時間，等我多啲時間去準備。」
早前，城城和老婆到經理人小美家拜年時，老婆明顯腹大便便，問到孕期是否已經過半，城城甜笑表示：「快㗎喇，我都享受有多啲家庭成員。身邊好多朋友都唔止一個小朋友，佢哋都教我哋，如果BB出世要送份禮物畀大姐姐，等佢唔好呷醋，自己都學習中。」他表示當爸爸後，更希望帶來更多優質作品：「因為唔係得觀眾會睇到，囡囡都會睇到，令我有更多動力。」
感激老婆給予支持
城城憑《無雙》入圍「第38屆香港電影金像獎」最佳男主角提名名單，跟周潤發、黃秋生、吳鎮宇和姜皓文齊齊角逐影帝。城城感激太太於拍攝電影《無雙》期間，給予很大支持：「當時BB仍未出世，佢令我唔使好擔心佢第一胎嘅心情，可以投入工作。之前我都喺電影上攞過獎，每個頒獎禮嘅評審都唔一樣，我自己係好尊重，同埋已經付出咗努力，無論邊個攞獎，都會戥大家開心。」
情人節大放閃光彈
在剛過去的情人節，城城與Moka被拍到外出一起拍拖，當時太太險些跌倒，城城即出手緊張扶實。幸福滿瀉的他，不禁大放閃光彈：「嗰日情人節，不過老土啲講，每日都係情人節，之前又放假，有時間就同太太去街。我係FamilyMan嚟㗎，工作以外就係家庭，有時間就要陪太太同囡囡，呢啲係丈夫嘅責任。太太而家有BB，我更加要拖實啲啦。」
下載APP