挺著六個月大肚子的岑麗香昨日與陳家樂出席香港鑽石山荷里活廣場的「柳井金魚春日祭」揭幕儀式，香香穿起露膊紅裙襯4吋高踭鞋，大家都替這個準媽媽牙煙，她則笑說：「着過好多次高踭，粗踭安全啲。」兩人又透露已經開始為過新年作準備。
強強BB唔怕病
香香指近日天氣忽冷忽熱，自己有點作病，但老公強強已回加拿大工作，稍後會趕返香港陪她過年。香香被問到有病要食藥怕不怕影響到BB，她回應：「冇事嘅，BB成日好強咁踢，強過我好多，真係一個『強強BB』。」
年初一要著紅底
陳家樂則自爆家中傳統要在新年時著紅色底褲，又笑爸爸迷信：「大年初一要着紅色底褲，因為我阿爸好迷信，唔知係咪年齡漸長，好沉迷人哋講嘅嘢，平時我屋企唔擺桃花，上年開始擺，我又有啲好成績，佢就認為係桃花，所以今年又要再買，紅色底褲、初一唔洗頭，都係阿爸叫我做。」家樂指屋企正在裝修，自己到內地拍戲要年卅晚才返港，爸爸則希望過年前全家搬回裝修好的舊屋，所以他正在找朋友幫忙替他搬屋。
（岑麗香與陳家樂出席活動，提早向大家拜年。）
下載APP