（曾志偉和女兒曾寶儀出席公開活動）
（曾志偉車禍後被爆與化妝師Vanus同遊日本。）
（憶述當時車禍現場的情況，曾志偉仍心有餘悸）
（曾志偉和Vanus於2017年曾被拍到在大阪逛家品店。）
（曾寶儀直言和爸爸曾志偉有約定，有意外時一定要先通知對方。）
（在車禍中，港警高層李志恒頸部受傷，接受手術後已無大礙。）
上月聖誕節期間，曾志偉於日本北海道自駕遊發生交通意外，與一輛七人車迎頭相撞，眾人均有不同程度受傷。日前，曾志偉和女兒曾寶儀「父女檔」現身台北出席公開活動，講到當時車禍情況，他自爆被撞裂兩條肋骨，聲稱是最接近死神的一次：「兩邊都是懸崖，對面嘅好似溜冰咁衝埋嚟，我哋好似碰碰車咁、車頭對車頭，撞到天旋地轉。」
講到當時車禍現場的情況，曾志偉仍心有餘悸：「車撞過嚟嗰一剎那，完全無思考時間，說時遲那時快，天昏地暗。」他指當時車內的安全氣囊都已經爆掉，第一次感覺死亡就在眼前：「眼睛一睜開都是白雪，油一直滴，安全氣囊爆咗，前車胎亦爆咗，好多唔應該有傷嘅地方都有傷痕，行李都碎晒，蛋糕全部都飛晒出嚟，第一次感覺死亡就喺眼前。」
為酒駕傳聞解畫
在車禍中，志偉肋骨受傷，他指之前約朋友食飯，還和朋友開玩笑：「好彩你哋唔使去殯儀館睇我。」志偉指肋骨受傷無藥醫，醫生只叫他注意休息：「我以前好抗拒食藥嘅，但老咗自然就要食，年輕時受傷兩日就復原，而家打開行李箱，藥比衣服多，呢個補嗰度，嗰個補呢度。」對於網上傳言他酒駕，志偉澄清：「絕對唔可能！」他解釋，因為自己當時途經日本知名釀酒地，故被大家誤認為酒駕。
兩條肋骨被撞裂
志偉憶述當時以為無事，但檢查完第二日發現被撞裂兩條肋骨：「當時做全身檢查都話無事，隔日醫院一直打嚟，話响入面睇係冇裂開，但從出面睇全部裂開，之後再返去醫院，開咗好多止痛藥。第一日撞到呼吸唔順，醫生話要多啲深呼吸，如果唔係可能會肺炎，情願熱醒都唔可以凍親。」對於爸爸逃過一劫，曾寶儀直言：「我哋有約定，如果有咩事，一定要先通知對方。我當時打電話好幾次才接，重好輕鬆話無事。」
車禍同行女伴曝光
據了解，當時和志偉座駕相撞的為一輛七人車，車上有多名香港人，包括為香港警務處刑事及保安處處長李志恒，李志恒頸部受傷及已接受手術。逃過一劫的志偉，則被爆與化妝師Vanus同遊日本。據知，現年40多歲的Vanus，曾於TVB擔任化妝及髮型師，前夫是於2014年病逝的TVB資深化妝師張家萬，她其後轉為志偉的私人助手兼幫手化妝，經常陪住志偉四圍飛，2017年兩人曾被拍到在大阪逛家品店。
下載APP