西式Café在本澳遍地開花，足證輕食和甜點比大魚大肉更有巿場。始於鄰埠香港的法式餅店「Passion by Gerard Dubois」看準機會，在銀河二期開設首間澳門分店，價格親民且選擇多，果然開業三個月，唔使做宣傳已經常出現人龍，連小記都要避開周末和繁忙時段才能慢慢品嚐一系列法式輕食！
櫻桃白朱古力餅 MOP 34
混入酸櫻桃及白朱古力慕斯，配搭底層的朱古力脆脆同吃，口感豐富。（李國星攝）
還未踏入店門，就見到長長的玻璃櫃，展示著琳瑯滿目的甜品、糕餅、三文治及熱食，令人未食先興奮！創辦人Gerard Dubois曾是希爾頓酒店集團亞太區的糕餅大廚，20多年前自立門戶創立「La Rose Noire」，專做高級麵包及糕餅批發，如今業務遍布逾40個國家，近年則轉戰門市生意，「Passion」因而誕生。
蘋果金寶 MOP 34
碗內裝滿新鮮紅蘋果、青蘋果粒及果蓉，清甜好味。
特濃熱朱古力 MOP 28
以法國名牌朱古力Valrhona炮製，啖啖濃郁可可味。
數一數餐牌，選擇超過100款，以法式輕食為主。必試人氣最高的「蘋果金寶」，蘋果肉酸甜帶粒粒口感，面層焗至金黃酥脆，拌入雲呢嗱醬更添香滑。還有千層酥、馬卡龍等法式甜品，前者每日新鮮製作，有紅莓、鹽味焦糖等口味；後者則以雙口味登場，如開心果朱古力及雲呢嗱櫻桃「雙拼」，更特意放入啫喱夾心，頗有水準。想來點飽肚的，小記推介石烤（Stone baked）薄餅，餅底像店內其他麵包一樣，以酸麵糰天然發酵，脆口且油分少，感覺好Rustic！此外，以鑄鐵鍋上檯的法式鄉村小菜亦別具特色，如燜至軟腍入味的豬脾，浸在酸甜的蔬菜番茄湯汁中，非常開胃。
紅莓千層酥 MOP 35
酥皮夾著粒粒紅莓及吉士醬，清甜又鬆化。
馬卡龍禮盒 MOP 135（九件裝）
馬卡龍為手工製作，可從18款口味中自由配搭，拼成精緻禮盒。
「四季」酸麵糰薄餅 MOP 78
四款配料包括煙三文魚、莎樂美腸、蘑菇及印式烤雞。
下載APP