蕭敬騰化身經典漫畫角色櫻木花道。
台灣歌手蕭敬騰（老蕭）除咗唱功了得，近日仲多咗接拍電影同劇集，歌影視三路發展！由於老蕭成日變形象，有粉絲就話佢每次染髮，都會變成唔同嘅卡通人物！早前，老蕭就染咗一頭綠色頭髮，有網民就話佢同《海賊王》入面嘅索隆一模一樣，非常搞笑！而喺噚日母親節，佢就化身另一經典漫畫角色：櫻木花道！
早前蕭敬騰把頭髮染綠，同索隆一模一樣。
噚日母親節，老蕭就分享咗一張近照，佢話：「晚安，祝媽媽們母親節快樂！」但有粉絲就發現老蕭嘅頭髮由綠色變咗紅色，仲笑佢好似《男兒當入樽》嘅主角櫻木花道。雖然老蕭新形象有啲搞笑，但粉絲都話好擔心佢短時間內咁樣染髮，應該會影響髮質，但亦有粉絲話老蕭只係用咗髮臘，只要洗一次頭就會甩色，變返黑色頭髮。
下載APP