古巨基新歌MV找來老拍檔胡定欣演出。
胡定欣坦言做藝人開工經常不定時，這MV亦令她有感而發。
古巨基和胡定欣互笠高帽，大讚對方樣子Keep得好。
MV講述一對情侶為儲錢結婚，各自忙碌工作令感情生活麻木。
古巨基與胡定欣在14年前曾因拍攝〈愛與誠〉MV結緣。
古巨基（基仔）新歌〈亂世情侶〉的MV日前正式面世，曲詞分別由陳輝陽及林夕這對「夕陽」組合包辦。今次MV女主角找來基仔老拍檔胡定欣演出，兩人上次合已經是14年前，當時胡定欣為基仔的〈愛與誠〉MV任女主角。講起往事，兩人都互笠高帽，大讚對方都凍齡冇變樣。（ 文：植筱詩 圖：相關機構）
歌曲MV講述一對情侶為了儲錢計劃結婚，各自忙碌工作令感情生活麻木，女方返Office經常OT、男方是通宵班倉務員，本來是一齊計劃將來，但其實是忘記了身邊人。最後有所領悟的基仔跑去找胡定欣，一個感動的結局。基仔表示：「為咗計劃將來，但忘記咗而家，忘記咗兩個走埋一齊嘅最初意義，所以隻歌加埋個故事，係一個愛情上幾大嘅感觸嘅故仔。」
胡定欣「出山」之作
胡定欣亦有感而發：「唔單止係返Office有咁嘅情況，其實我哋做呢行都係，冇日冇夜，好多好重要嘅Moments或者好似首歌講嘅人與人之間最緊要嗰樣感情、過程中緊扣嘅感覺缺乏咗。」她指今次拍攝MV，亦是自己「出山」之作：「我上年5月做完舞台劇之後，就冇做過戲嘞！所以今日係我第一日返工，我頭先都覺得係時候Pick Up番。」
基仔親自執導MV
今次MV由基仔親自執導，每拍完一個鏡頭，他都會翻看Playback，十分認真，胡定欣表示：「基仔解說MV故事時解釋得好詳盡，喺車上面聽佢講時，已經好有畫面、好感動。」基仔則不忘大讚胡定欣演技一流：「定欣當年幫我拍完〈愛與誠〉後，一直努力拍劇甚至兩奪視后，絕對係好戲之人。有好多場戲定欣都係一Take過，而且有幾個位我都睇到眼紅紅。」
下載APP