MIRROR半百粉絲撑場

TVB藝人隊伍由陳煒領軍。

TVB由陳煒率領陳庭欣、楊玉梅、黎諾懿、徐榮、黃家樂等近60人到場。

姜濤和現場粉絲自拍留念，相當親民。

昨日，TVB、ViuTV、新城電台均派藝人代表出席於香港中環舉行的《公益金50周年百萬行》，TVB由近年上位的陳煒領軍，率領陳庭欣、楊玉梅、黎諾懿、徐榮、黃家樂等近60人到場。ViuTV方面則有新晉偶像組合MIRROR、以及陳安立、岑樂怡、黃奕晨、駱振偉、陳子豐等等，其中MIRROR更獲半百歌迷到場舉牌支持，並以姜濤歌迷最多。

歌迷熱情一早到場

對於ViuTV 聲勢浩大，隊長Lokman表示：「多謝，朋友畀面，我哋之前都驚見唔到佢哋（歌迷），佢哋太熱情，喺地鐵站已經捕住我哋。」被問到早起身出席活動會否不習慣？ Lokman回應：「對我哋嚟講唔係一個挑戰，我哋慣咗帶少少疲倦做任何事，之後我哋會有唔同嘅進修，例如唱歌、健身、運動，所以今日難唔到我哋。」談到新一年的工作大計，MIRROR表示會積極裝備自己，努力學習和進修，例如做Gym鍛練身體、練歌、學樂器和學做戲等，今年將會推出一張大碟，預計收錄十首歌。至於年底的樂壇頒獎禮會否想角逐獎項？他們表示，會抱住好慶幸可以參與的心態去出席這些頒獎禮，不會去想得獎與否。