鄭秀文心痛劉德華患病失聲，希望他好好休息。
演唱會不得已腰斬，劉德華在台上痛哭。
日前，鄭秀文（Sammi）於香港將軍澳出席倒數活動。對於劉德華（華仔）因為喉嚨發炎而取消三場演唱會，其後再宣布因確診流感，再取消之後四場，合共七場演唱會腰斬。Sammi祝福好友華仔早日康復，希望他好好休息：「我之前開騷都試過失聲，不過華仔今次唔單止失聲，重有流感，舊年安仔都試過流感入院，嗰次佢係持續發高燒，真係好辛苦。」
在華仔首度宣布取消演唱會時，Sammi都有和他身邊朋友聯絡問候，她表示：「作為觀眾，衷心希望華仔可以快啲好番，睇到佢喊真係好肉赤，我好明白佢嘅感受，喺台上嗰種無力感，而且亦好內疚，覺得自己有心無力，係心痛。」Sammi指華仔今次的流感來得很突然，和老公許志安之前情況一樣，大病好難估計，希望他可以靜心休息，早日康復。
講到新年願望，Sammi最希望是身體健康：「有健康先可以做到好多嘢，所以健康係無價寶。」雖然近日天氣寒冷，不過Sammi仍然堅持做運動：「寒冷係阻擋唔到我嘅意志同毅力，其實着夠衫就冇問題，當然都會小心自己嘅身體，今年安排咗好多工作要做。」問到演唱會的籌備情況，她說：「好緊張賣飛嘅機制，實名制唔係簡單嘅事，會衍生好多問題，所以同公司傾緊，睇吓有乜嘢方案，大家都好頭痛。」
下載APP