馮雪冰（左）和顏子菲同一命運，選亞姐後等足多年都未收到后冠。
應屆亞姐分享對首飾的選購心得。
多位亞姐終於獲頒后冠。
今屆「亞洲小姐競選」香港賽區三甲梁雪瑤、張右雨和林孜沫，與年亞姐冠軍馮雪冰和2008年亞姐顏子菲，昨日一同出席香港灣仔會展的亞視活動。今年6月，馮雪冰出席活動時忽然大爆選了亞姐七年，原來從來都無收到后冠，搞到當時場面超尷尬。終於等足七年，她和一眾亞姐獲安排簡單而隆重的「后冠」補頒儀式。（文：黎永樂 圖：相關機構）
對馮雪冰來說，雖則后冠唔值錢，不過她都想申請返一個當作紀念。昨天大會在活動上安排簡單而隆重的「后冠」補頒儀式，完成了等后冠等足多年的心願。對於終於得到這份遲來的「禮物」，馮雪冰則十分感恩，她說：「 當年參賽時亞視好動盪所以冇頒后冠，之後話會頒返畀我，原本諗住放棄呢個念頭，今日終於得到好有意義。今後我會將后冠放喺屋企，隨時可以攞出嚟睇。」
慨嘆要等十年先有
另一亞姐顏子菲當年選亞姐時，也未有收到后冠。她坦言今（昨）天獲頒「 后冠 」意義十分重大，並表示：「 我等咗十年，人生有幾多個十年？所以好有意義。其實自入行以來，家人都好擔心我，因為呢行收入唔穩定，如今我終於有實質嘅嘢攞到畀屋企人睇。」顏子菲續說，后冠雖由水晶造成，但她認為價值並不重要，最重要是有紀念意義。
盼30歲前嫁得出
期間，三位應屆亞姐則分享對首飾的選購心得。梁雪瑤更示意希望收到男朋友送鑽飾作聖誕禮物，她說：「 男朋友有送飾物畀我但就未送過鑽飾，希望今年聖誕節會收到啦！」梁雪瑤坦言與男朋友感情穩定，還一臉恨嫁地表示：「 見到現場咁多珠寶首飾真係想快啲結婚，希望30歲前可以嫁得出。」
下載APP