早前，洪卓立與拍拖11年的湯怡宣布分手。
洪卓立強調舊愛湯怡絕非貪慕虛榮
許靖韻白色「穿窿裙」成為當晚觀眾焦點。
泳兒透露最近自資成立了個人品牌「V got this」。
日前， 歌手泳兒（Vincy）、洪卓立（Ken）同許靖韻（Angela）到清遠出席《第五屆粵語歌曲排行榜頒獎禮》。Ken與拍拖11年的湯怡早前宣布和平分手，引來外界熱烈討論。談及分手原因，Ken表示湯怡絕非貪慕虛榮之人，強調兩人分開沒涉及第三者，更指他們對結婚一直有共識，不是因為婚事而分手。 （文：植筱詩 圖：相關機構）
在頒獎禮上，Vincy奪得「最受歡迎女歌手」外，更憑歌曲〈騎膊馬〉奪得「最佳MV 」及「最受歡迎歌曲獎」，連奪三獎的Vincy坦言十分開心：「多謝大會，〈騎膊馬〉係一首好有意思嘅歌，講嘅係親情，得到呢首歌係一種緣分。」她透露最近自資成立了個人品牌「V got this」：「搞咗個狗狗頸圍慈善義賣，希望幫到啲毛孩，大家支持一下。」
Ken目前正籌備新碟
Ken當晚贏得「最受歡迎粵語唱將」及憑歌曲< 獻醜> 獲取「最受歡迎歌曲」兩個獎項，Ken透露目前正籌備新歌，希望明年1 月可以派台：「內容未決定，都係等收到歌先揀題材。
同埋而家要減肥，因為12月底响內地有個演唱會。」另外，小師妹Angela亦奪得「星級指數大獎」，不過網民就「錯重點」，焦點喺佢條白色「穿窿」裙上，她直言：「大家好關心我條裙上面個窿，放心，唔係畀狗咬。」
強調分手跟結婚無關
早前，Ken與拍拖11年的湯怡分手， 對於兩人分手主因，有指湯怡人紅了後跟Ken分手，還傳她搭上陳家樂和Gavin So。眼見舊愛成為「罪人」，Ken不得不開腔回應，他強調湯怡絕非貪慕虛榮，兩人分手亦跟結婚無關：「其實好耐之前已經有共識，希望35歲左右先行到呢個階段，唔想呢幾年發生。每個人對結婚諗法唔同，我哋唔係因為結婚而分手。」
下載APP