吳若希（右）與菊梓喬（左）盛裝出席公開活動。
兩人現場親自炮製甜蜜早餐。
菊梓喬解釋《美女廚房》被封「地獄廚神」是節目效果。
兩人餵粉絲試食，猜猜是誰煮的作品。
昨日，歌手吳若希（Jinny）與菊梓喬（Hana）一齊盛裝出席公開活動，穿綠色吊帶裙的她即場俯身煮早餐，竟然無走光。Jinny笑言，曾被許紹雄賜她「高、瘦、平」三個字，自嘲沒有貼膠紙也好安全。身為人妻的吳若希，自爆曾煮早餐給老公，但對方卻藉口「趕時間返工」拒食，更叫她「不如唱番歌」。（文：植筱詩 圖：相關機構）
吳若希透露曾煮早餐給老公，但他找藉口拒食。
在活動上，穿綠色吊帶裙的Jinny即場俯身低胸煮早餐。事後她笑謂：「我出名叫『高瘦平』，係許紹雄幫我改，佢賜咗呢個朵畀我，所以好安全，我都冇黐膠紙，淨係著Nubra。」相反，露出半球的Hana則擔心會走光，她坦言要黐膠紙做足安全措施：「我條裙得一邊帶，我驚甩出嚟。」
Jinny炮製早餐被拒
講到兩人的廚藝，Jinny 透露，早幾日煮過早餐給老公，但對方卻以藉口「趕時間返工」拒食：「我煮奄列，賣相好靚都好好味，平時佢都有試過我手勢，佢好溫柔咁同我講『不如唱番歌，我鍾意聽你唱歌多啲。』我聽完覺得好Warm。」她笑指老公吃完還「生勾勾」，其實已經好好。
Hana想搵男友過聖誕
談及Hana上《美女廚房》被封「地獄廚神」，她笑言只是節目效果：「我都識煮正常食得嘅嘢，都熟嘅，所以做我男朋友好幸福，我煮過盆菜、節瓜炆排骨、炒西蘭花。」問她會否繼續改良廚藝，做個合格人妻？現時單身的Hana直言：「我想拍拖同結婚先，希望今個聖誕節有男友陪我過。」
下載APP