馬國明否認他與女友黃心穎在澳洲秘婚的傳聞。
羅霖昨晚啟程赴以色列旅行，將逗留12日。
馬國明（馬明）昨日與羅霖為火鍋店開張做剪綵嘉賓，馬明也表示有興趣投資做生意，明白演員不可做一世，但暫時未有具體計劃。被問到有傳他與女友黃心穎計劃秘密結婚，剛被踢爆去澳洲參加心穎三家姐婚禮的馬明即時否認，又指結婚是光明正大的事。（文：游子欣 圖：相關機構）
馬國明與羅霖為火鍋店做剪綵嘉賓，兩人皆透露有興趣投資生意。
馬明早前被踢爆在澳洲出席黃心穎三家姐婚禮，與女友逛街時又幫女友拎手袋，與女友家人合照就如一家人。馬明解釋道：「其實世界好細，心穎三家姐係我侄女朋友，而我侄女即將生BB，飛唔到過去，我過去做埋代表。」對於心穎透露希望讓爸爸快點見到她結婚，馬明回應：「佢冇同我講過喎，佢話唔想咁快，我感覺佢都想喺事業再衝下先，係我感覺，佢冇講。」
結婚一定光明正大
對於兩人是否已經在澳洲秘密結婚？馬明表示：「我一定唔會，結婚係光明正大嘅事，點解要咁秘密？相信如果有一日我結婚嘅話，會同大家講，唔會幾年後先畀你哋知道，可能有啲人有隱衷，但我冇。」
有計劃投資生意
馬明又透露有興趣投資生意：「我喺公司做咗咁多年都識啲朋友，有人搞飲食、時裝、酒吧同補習社，演員唔可以做一世，有機會都要向佢哋偷下師，但未諗到做乜，儲下錢先算。」
下載APP