銅鑼灣野生捕獲謝霆鋒

（謝霆鋒走勻港九，最終也被野生捕獲。）

（ 謝霆鋒忽然現身香港鬧巿，為新歌《青空》拍攝MV。）

（謝霆鋒在銅鑼灣終於失守，被人群重重包圍，要求合照。）

謝霆鋒今年初獲頒為「世界首位米芝蓮之友榮譽星廚師」，「Chef Nic」煮出國際後自然吸引不少品牌要求合作，今次霆鋒與香港連鎖快餐店設計了兩款漢堡包及美食，又親自創作廣告主題曲〈青空〉。日前，霆鋒走勻港九鬧市拍攝廣告兼新歌MV，途中驚險百出，被途人發現星蹤後更被重重包圍。

霆鋒在新歌帶出自己對香港這個家嘅思念及回憶中熟悉的味道，特別走勻港九富香港特色的地方拍攝，就如尖沙嘴海防道大排檔、九龍城街市海味鋪、觀塘、旺角及銅鑼灣等鬧巿。霆鋒膽粗粗去到旺角及觀塘，幸好在導演巧妙安排下，時間上完全避開途人耳目，令拍攝得以順利進行。

但去到銅鑼灣，由於多個拍攝地點都擠滿途人，避無可避，當他在百德新街一間運動鋪門外時，就被一班途人團團圍住，情況就如過關斬將般才能動身離開；最搞笑是在希慎的大型電子用品商鋪門外，其中一名途人見到霆鋒，竟然興奮打開店門向入面大叫：「謝霆鋒喺出面呀！」被野生捕獲的霆鋒即時無路可逃，然後圍觀影相的途人愈來愈多，墟陷到將霆鋒淹沒於人海裏面。

滿足了所有合照要求後，霆鋒感慨地說：「雖然有好多途人圍住，但個感覺係好親切。特別係大排檔，嗰種風味、情懷，唔會有一間餐廳或者响其他國家地方搵到。」至於被途人「大肆宣揚」而暴露行蹤，霆鋒笑謂：「其實我平時真係好少出街，就算出街，最多去嘅地方就係街市或者超級市場，好少喺街度行，可能大家冇諗過會喺條街見到我，所以先至會咁興奮。」

（文：游子欣，圖：相關機構提供）