昨日，劉德華接受電台主持訪問，除了分享當年入行做「茄哩啡」的趣事，更透露有了家庭後，開始改變作息早睡早起。談及音樂上的伯樂，劉德華坦言是Beyond讓自己唱歌學會抒發感情，真正喜歡唱歌，更稱Beyond是他的啟蒙老師。
劉德華透露有了家庭後，開始改變作息早睡早起。
在接受訪問時，劉德華透露保持「長青」的秘訣就是不要吃太飽，他說：「如果食肉嘅話七成飽就好，但一定要食飯。我而家主要食齋，所以會食多啲飯。另外唔好食咁甜，食太甜會好易老。」劉德華透露自從有家庭和小朋友之後，休息時間也開始改變：「以前好夜瞓，但而家10點瞓，8點起身，因為我鐘意送小朋友返學。」
受Beyond影響愛上唱歌
談到何時開始跟唱歌結緣，劉德華坦言是推出第一張唱片後才真正喜歡唱歌。他說：「記得喺電影《天若有情》入面，有四首歌都係Beyond唱，當時聽完明白原來唱歌係可以抒發到自己嘅感情，所以Beyond算係我音樂上嘅啟蒙老師。」 他表示後來唱〈一起走過的日子〉時，已學會抒發感情去唱。
劉德華坦言受Beyond影響，學會抒發感情唱歌。
曾為發哥做「茄哩啡」
劉德華初出道時，曾在不少電視劇及電影中做過「茄哩啡」，他坦言記憶最深刻是跟周潤發合作。劉德華表示：「我喺電視劇《千王群英會》同梁家輝一左一右做發哥後面嘅打手，當時知道要同發哥合作，開拍之前特登去服裝間搵靚衫。當時拍攝太緊張，所以拍完返屋企先睇到發哥嘅演技。」
下載APP