噚日，余文樂喺香港出席新戲《狂獸》開鏡拜神，講到近日被影到同不和多年嘅周柏豪「破冰」食飯，余文樂就話佢哋一直都冇不和，佢話：「我哋不嬲都冇嘢嘅，係傳媒連續寫咗三年啫。大家都有間中食飯，只不過係我成日都唔喺香港，所以都好少見到咁多朋友囉！」
余文樂出席活動時，否認同周柏豪不和多年嘅傳聞。
講到當年余文樂不滿周柏豪偷食籃球隊隊友妹妹，所以將對方踢出籃球隊。對此，余文樂話：「將自己踢走就有，因為工作太忙，已經好耐冇打波喇！」佢仲強調從來冇發生過偷食呢件事。問到最近因拍攝內地真人節目，而同內地女星周冬雨傳出緋聞，余文樂就話一早預咗，佢解釋：「合作咗一段時間，唔會話冇發展機會，但現階段大家真係朋友關係。」
余文樂因拍攝內地真人節目，而同內地女星周冬雨傳出緋聞。
余文樂潮牌網店已停運
余文樂時裝品牌網店停業
余文樂定居台灣做湊仔公
余文樂與四歲大仔如餅印
余文樂揚言要衝出亞洲
余文樂：我不是要賺很多錢
余文樂：我不是要賺很多錢
拍片表示遺憾未能親自來澳領獎
下載APP