去年5月，荷里活影星安芭赫德（Amber Heard）帶住兩隻寵物狗飛到澳洲，探望喺當地拍戲嘅老公尊尼特普（Johnny Depp），由於安芭赫德被揭發冇為寵物檢疫同報關，所以被控兩項偷運違禁品罪名。日前，安芭赫德喺老公尊尼特普陪同下接受聆訊，兩公婆仲拍咗一段道歉短片向法官求情，但卻遭網民狠批演戲，更有人話呢段片係尊尼特普「從影以來的最佳演出」。
安芭赫德喺老公尊尼特普陪同下接受聆訊。
喺道歉影片中，安芭赫德為冇申報兩隻寵物狗一事致歉，而尊尼特普則呼籲大家入境時一定申報所有物件。影片曝光後，網友紛紛喺社交網站留言狠批，有人指佢哋態度毫無誠意，更有網民笑指尊尼特普今次真係交足戲。呢段片雖然唔被大眾接受，但裁判官最後判安芭赫德守行為一個月及罰款1,000美元（約澳門幣8,000元），總算成功甩難。
安芭赫德最終被判守行為一個月及罰款。
勿刪安芭赫德《水行俠2》角色
米高德格拉斯20歲女兒搶盡鏡頭
尊尼特普晉身藝術家網上賣畫
尊尼特普再演船長令人回味
安芭赫德女兒生父疑似馬斯克
澄清安芭赫特被刪戲原因
靚女律師否認與尊尼特普熱戀
否認與尊尼特普庭上「撻著」
拍片表示遺憾未能親自來澳領獎
下載APP