歌手周永恒早前被爆出軌偷食，搞到同老婆趙頌茹離婚收場，之後又喺訪問中自認「人渣」向趙頌茹道歉。日前，ViuTV播出由陳淑蘭主持嘅《晚吹：總有一隻喺左近》中，請嚟周永恒同陳莉敏做嘉賓，討論「賤格」呢個主題。節目中周永恒覺得被人擺上枱，最終喺拍攝中途爆粗離場，ViuTV亦照樣播出街，引來極大回響。
周永恒喺陳淑蘭主持嘅《晚吹：總有一隻喺左近》節目中擔任嘉賓。
喺節目播出後，周永恒喺Facebook公開相關對話同ViuTV對質，佢話：「Roll機時兩位大姐上晒身，明踩暗串非常有Teamwork，我心諗主持人、嘉賓唔跟稿，製作部點都會控制下，我見佢哋完全冇反應，中間叫停了機直接問監製，何為探討人性黑暗面？點解主題改成這樣？伏已中，街已出，錯已成，責已當，唔好屈我為錢同人夾稿，唔該！」
周永恒喺節目中覺得被人擺上枱，拍攝中途爆粗離場。
下載APP