日前， 剛改名周勵淇的周麗淇（Niki）、楊怡、郭晉安、林文龍、周柏豪等出席TVB新劇《再創世紀》記者會。現場大會特別為同於30日生日的Niki和楊怡送上玫瑰花蛋糕慶祝，原來兩人巧合地同年同月同日生。楊怡許願劇集收視高企兼再開續集，又公開叫老公羅仲謙儲錢送樓氹自己。 （文：植筱詩）
對於生日巧合，楊怡（左）指是一種緣分，並直言兩人合作很有默契。
楊怡和周勵淇原來是同年同月同日生。
當年參與拍攝《創世紀》的郭晉安，事隔19年再演同系列嘅《再創世紀》，他坦言沒有太大感觸：「一個年代嘅過去，《創世紀》同自己一同成長，今次我嘅角色係重新創作嘅，如果再演番當年嘅角色，應該都搵唔返感覺。」今次劇組飛到布拉格拍外景，未有同行的周柏豪笑言「酸溜溜」，郭晉安聞言笑道：「你可以去布拉格拍MV.，或者19年後拍《再三創世紀》囉！」
郭晉安（左二）相隔19年後再拍攝同系列的《再創世紀》劇集。
Niki大講有味笑話
Niki和楊怡是同年同月同日生日，對於這個巧合，她們笑言是一種緣分，Niki直言想介紹楊怡給父母認識，還大講有味笑話：「點解佢哋咁多年前同一個時間做同一件事呢？好得意，其實我講錯，可能大家其中一個係早產。」旁邊的楊怡聽到笑指Niki講得很猥瑣，又表示兩人合作很有默契，可能與同日生日有關。
祝福舊愛鄭嘉穎
早前，Niki改名並過檔英皇娛樂，成為謝霆鋒及老友蔡卓妍（阿Sa）師妹。對此，Niki指轉新公司後，將是一個新開始：「同阿Sa識咗好多年，希望未來有機會同佢再合作。」談及舊愛鄭嘉穎與陳凱琳結婚，Niki大方送上祝福：「恭喜佢，百年好合，連生貴子。（有冇結婚打算？）自己有好多朋友了解中，不過就未知有冇合適人選，將來一定不缺伴侶。」
周勵淇過檔英皇娛樂，希望有機會和老友蔡卓妍合作。
楊怡想老公送樓
生日又出新劇的楊怡被笑指「雙喜臨門」，如果加埋老公羅仲謙生日又生B則是「大四喜」。她聞言笑說：「你哋兜個圈問呢啲嘢！承你貴言啦！而家好Fit，順其自然啦！」問她可會期待老公送禮物？她笑謂：「我成日叫佢儲錢買層樓寫我個名咁，佢就會話『唔使送啦，唔需要慶祝一剎那，我哋係細水長流』！（唔係買咗樓？）都可以要嚟投資，我都想有驚喜！」
楊怡剛剛為老公羅仲謙慶祝完34歲生日。
楊怡公開叫老公羅仲謙儲錢送樓給她，當作是生日驚喜。
下載APP