郭富城（城城）、楊千嬅、萬梓良、鮑起靜、張達明等出席新戲《麥路人》開鏡儀式。今次城城和千嬅首度合作，由於新戲屬低成本製作，所以兩人都沒有計較過片酬。為了體驗無家者的生活，城城還決定捱餓來投入角色：「因為有啲人唔好話無地方住，就連食飯都係有上餐無下餐，所以眼神要有飢餓嘅感覺。」 （文：植筱詩）
郭富城、楊千嬅、萬梓良等出席新戲《麥路人》開鏡儀式。
郭富城戲中的形象比較滄桑，平時都會食少啲以助入戲。
特意為新戲留鬚的城城，在片中飾演金融才俊，佢話：「收到劇本，我同小美（經理人）講，呢個角色我一定要接，加上係香港電影，而且呢班演員都好有實力，我同千嬅都係第一次合作。」千嬅則表示：「萬梓良好好戲，佢圍讀嘅時候，拍晒枱話『SoWhat』。」
楊千嬅指圍讀劇本時，她被萬梓良（中）嚇到彈起。
對新戲劇情保密
問千嬅今次和城城是否飾演情侶？她回應時拒絕透露劇情：「複雜啲，總之我哋係同是天涯淪落人，呢個故事係講無家者，有五個分線，我係其中一個，最貼地係呢幾年喺24小時快餐店都有無家者，其實佢哋都有佢哋故事，我聽過佢哋真實故事，做晒資料搜集。」
郭富城和楊千嬅首度合作，兩人拒絕透露劇情。
拒學黎明公開囡囡
對於之前被拍到摷垃圾的戲份，城城表示：「係嘅，呢部戲幾貼近寫實，我都有去旺角、深水埗、廟街、土瓜灣，平時好少去，再去有好大親切感。」對於黎明於社交平台貼出囡囡相，城城指是開心事，但每個人性格不同，自己比較低調。問到覺得BB似邊個？千嬅笑言：「咁細個未知似邊個，好似我個仔，個個都話唔似我，但我覺得似我，我生得咁辛苦！」
對於黎明公開B女相，郭富城自言比較低調。
楊千嬅指黎明囡囡和他猶如餅印。
為了入戲做足準備
談到拍攝前的準備，城城戲中的形象比較滄桑，同時因為飾演社會低層，食住都成問題，所以自己平時都會食少啲：「因為想感受呢種餓嘅感覺，同冇嘢食嘅狀況始終劇本比較貼近現實。」千嬅大讚城城在拍攝時，很清楚地分析整個拍攝過程，所以知道對方除了形象上，各方面都投放了很多心機。
與萬梓良對手戲多
城城在片中跟萬梓良有很多對手戲，他坦言，還在訓練班時的第一套電視劇就是跟他合作。相隔廿多年後再合作，城城在對方身上學到認真工作的態度：「一定有火花，每個演員都好有火花，大家角色上都有串連，同時都係團隊嘅精神。」此外，談到劉德華演唱會有粉絲排隊購票時被斬傷，城城大感愕然：「法治不容！」千嬅則表示：「係唔可以發生嘅事，有關部門都應該要關注下。」
對於劉德華歌迷排隊買飛被斬傷，郭富城大感愕然。
下載APP