日前，鄧麗欣（Stephy）、陳庭欣及栢天男現身香港深水埗宣傳新戲《L風暴》。三人在活動上分享拍攝點滴，Stephy原本想講「拍得多愛情戲」，可能因在熱戀中，不小心口快快說成「拍得多拖」，台下粉絲即刻忍唔住笑，搞到Stephy有些尷尬，但亦不禁流露甜笑問：「你哋笑咩呀？」 （文：植筱詩）
（左起）栢天男、鄧麗欣及陳庭欣宣傳新戲《L風暴》。
鄧麗欣和王子自公開戀情後，愈愛愈高調。
訪問期間，被問到為何「自爆」成日拍拖？ Stephy笑言：「啱啱瞓醒，先黐脷筋之嘛。」講到七夕情人節和男友邱勝翊（王子）在Instagram高調放閃，她表示：「其實以前呢啲節日，我都會喺社交網站祝福大家。係大家覺得我狀態Sweet啫，我唔係刻意放閃。」
鄧麗欣七夕和男友王子在Instagram互相放閃。
經常放閃遭投訴
不過，Stephy於帖中寫道：「兩個人最遠的距離，是我在你身邊你卻看著手機」，問她是否投訴男友成日玩電話不理她，Stephy解釋：「我想提醒大家唔好成日玩手機咋，唔係特別講邊個。」她自爆朋友笑她太Sweet，搞到大家都有「糖尿病」，笑謂考慮減少甫合照。
王子撐女友新戲
而王子接著除了以「我的女孩」甜蜜回覆，亦在自己的Instagram 上載Stephy新戲海報，落力幫女友做宣傳：「支持一下，七夕情人節快樂，謝謝善良貼心的你，感恩珍惜一起度過的時光。」粉絲見到紛紛送上祝福，亦人有留言指：「有個永遠撑自己，又細心體貼的男人真係羨慕。
王子落力幫女友新戲做宣傳，獲網民大讚貼心又甜蜜。
下載APP