日前， 梁朝偉（偉仔）、導演馬楚成、內地紅星吳亦凡、唐嫣、杜鵑等出席新戲《歐洲攻略》全球首映發布會。電影於明天（17日）在內地率先上映，當日撞正七夕，現場偉仔大派心心造勢，但媒體卻捕捉到他露出「囧樣」，被網民笑他為宣傳要拋低自尊。 （文：植筱詩）
梁朝偉、吳亦凡、唐嫣及杜鵑出席新戲全球首映發布會。
大會為搞氣氛，現場安排吳亦凡、唐嫣和杜鵑向偉仔使出「偷心撒手鐧」，先有唐嫣講老土情話，再有杜鵑托臉「賣萌」，最後吳亦凡竟然攞出一對手扣，話要扣住偉仔成為他的人。戴住米奇老鼠手套的偉仔，亦盡力配合每一位拍檔，但演技出神入化的他，卻被派心心考起，更不經覺露出「囧樣」，表情被網民笑稱像生無可戀。
梁朝偉形容新戲角色心思十分細密。
梁朝偉遭網民恥笑「賣萌」好牽強。
攻略系列指定人選
電影《歐洲攻略》是導演馬楚成繼《東京攻略》及《韓城攻略》後的第三部曲，他坦言，一直視偉仔為該系列的不二人選，並大讚他好適合拍喜劇：「偉仔私下其實很幽默風趣，無人會比佢更適合演呢個角色。我覺得攻略系列係屬於佢嘅品牌，如果唔係佢，我覺得就無必要拍下去喇。但我好希望我哋可以繼續拍攝第四、第五集。」
梁朝偉新戲將繼續扮演身手了得的特工林在風。
電眼全天候啟動
雖然新戲有喜劇元素，但是演起來並不能鬆懈，因為這是一部動作片，就算是偉仔每日運動保持能量的人，拍攝過程亦略顯疲態。不過，馬楚成指偉仔就算演喜劇，「電眼」依舊迷人：「我覺得佢係無停止過放電嘅，一日24小時，他可以保證25小時都電力很足。」偉仔聽聞笑言：「通常到凌晨兩、三點就無電喇，之後就會同導演講，要收工喇。」
吳亦凡（右）獲梁朝偉大讚有表演天賦。
《歐洲攻略》於明天在內地率先上映。
形容角色心思細密
在新戲中，偉仔繼續扮演身手了得、型到核爆的靚仔特工林在風，但他卻形容這個角色心思細密：「呢個角色睇起嚟玩世不恭，但其實係一個心思好細密嘅人，咩事情都有自己嘅計劃，心裡有數，但係外表永遠唔畀你知道。不過都重係好貪靚，好鍾意扮型。」談及片中的「愛情偷心」話題，偉仔即場大爆金句「愛情係無攻略嘅，只有真心同真誠。」
梁朝偉和唐嫣在片中將上演親密戲份。
下載APP