昨日，Twins在廣州出席下個月舉辦的「世界巡迴演唱會廣州站」記者會，蔡卓妍（阿Sa）透露今次個唱會與鍾欣潼（阿嬌）露前又露後。問到會否邀請新歡蔣翹帆（Hudson）欣賞演出？阿Sa即時否認傳聞，並強調自己目前仍然單身，更笑指要和阿嬌齊齊上求愛真人節目。
蔡卓妍強調自己目前單身，並表示如果結婚一定會公開。
作為世界巡迴演唱會首站，阿Sa表示會好好研究怎樣將香港的演出原汁原味重現，她說：「因為香港係開四面台，做巡迴就全部都三面台，所以舞台同歌衫會有唔同。」問到今次的服裝是不是以性感為主？阿Sa笑言：「肯定唔會剩係露後面嘅，剩係露個優質股，咁咪好蠱惑？」
強調自己仍然單身
問到今次巡迴個唱會否邀請嘉賓？阿嬌表示暫時未決定，她說：「演唱會Rundown已經好長，再請嘉賓怕會超時。」問阿Sa會不會邀請緋聞男友Hudson欣賞演出時，她表示：「都話咗冇拍拖囉！唔打算日日講。我歡迎任何人嚟睇演出，不過廣州站啲飛已經賣晒。」
蔡卓妍早前被爆搭上印尼餐廳老闆蔣翹帆。
坦言結婚一定公開
其後，阿Sa出席另一公開活動時，繼續被媒體追問新戀情，但她再度否認傳聞，並表示：「講過好多次話冇男友，你哋唔好成日掛住寫我，關心我就直接介紹（男仔）畀我。」問她如果拍拖會不會公開？阿Sa坦言結婚一定會公開。問到會不會像當年一樣結完婚再公布？阿Sa即笑說：「五年前我已經改邪歸正喇！」
下載APP