現年36歲嘅徐子珊早前去咗讀珠寶設計,近排好少喺公開場合亮相。噚日,徐子珊被爆同西班牙籍男模特兒Moni Demirov拍拖。報道仲話徐子珊早前透過朋友介紹認識Moni,之後兩人打得火熱,徐子珊仲買咗機票去西班牙見對方家長,而Moni亦不時喺Instagram貼出同徐子珊嘅合照,大晒恩愛。
徐子珊被爆同外籍男模特兒拍拖。
消息傳出後,Moni即時透過媒體撇清同徐子珊嘅關係,仲強調自己目前係單身,佢話:「我哋只係工作上嘅合作,係普通朋友關係,完全冇發展機會。」其後,徐子珊亦同樣否認傳聞,佢話:「當然唔係拍拖,好多相都係旅行時影嘅『姊妹』合照,其實佢係我嘅下屬,而家咁樣搞一搞,睇嚟我要送一張單程機票畀佢返屋企。」
Moni不時喺網上貼出同徐子珊嘅合照。