黃子華一連26場的棟篤笑告別作《金盆(口浪)口》，日前來到最後一場。未到開騷時間，香港紅館外已人頭湧湧，不少粉絲在場外搶購紀念品，最受歡迎的「回水杯」於半小時內售罄。尾場演出吸引周慧敏、黃偉文、黃秋生、吳君如、陳可辛、容祖兒、吳鎮宇、佘詩曼等圈中人捧場，星光熠熠。 （文：植筱詩）
黃子華一連26場的棟篤笑日前來到最後一場。
周慧敏、古巨基、容祖兒、佘詩曼、黃秋生等大批圈中藝人前來捧場。
黃子華未有因為尾場而露疲態，繼續以極高轉數為觀眾帶來快樂，他指自己首次着的西裝外套無端端甩鈕：「今次真係要嗌回水！」除了對最近香港淫褻物品審裁處評日本作家村上春樹小說《刺殺騎士團長》一事發表意見：「而家帶書入圖書館唔好帶村上春樹喇！」在講完「藝人唔易撈」等話題後，子華用「回水杯」飲水獲得觀眾大讚靚仔，他笑言在家吃飯時飲水，全家人也放下筷子拍手。
黃子華尾場未有顯露疲態，繼續以極高轉數為觀眾帶來快樂。
曲線自嘲無記性
提到禁果話題時，子華笑問有哪種生果比禁果好食？即有觀眾大叫榴槤，他笑指：「第二場有個女人講過榴槤後，自此無一場平靜過，也不知你們是泰國定馬來西亞的間諜? 」他又自嘲無記性，頂不住講嘢被不停打斷：「講到邊呀？榴槤吖嘛！我知。好似得你哋聽到講乜，我唔阻住你哋嘛？但你哋阻住我，我唔記得自己講緊乜，我好易唔記得.！」
黃子華離開舞台時顯得依依不捨，多番向觀眾鞠躬。
為封咪留下後路
提到騷後封咪，子華笑謂其實是自己不夠靚仔：「好多人對我封咪有好多揣測，一個係因為自己唔夠靚仔，另一個係我成日唔記得嘢，好容易畀觀眾打斷，我好難頂得順演出時有咁多嘢插入嚟。」雖然子華之前講過今次的而且確是最後一騷，但他依然給自己留下後路：「今年唔會再做！」聽到全場觀眾起哄後，子華再補一飛：「搵食啫！報警吖！」
提到騷後封咪，黃子華笑謂其實是因為自己不夠靚仔。
列出開棟篤笑原因
臨近尾聲，子華逐一向四面台的觀眾鞠躬，期間明顯眼濕濕，不但用紙巾拭淚，又向觀眾送出自己在台上用過的「回水杯」。後來他解釋為何要開棟篤笑，更列出十多個原因，當中有快將30歲、朋友患有腎病、時常失眠、下班後不想回家又時興搞笑騷等。最後子華唱出〈幻海奇情〉一曲作結，離開舞台時雙手合什，臨入後台更轉身再向觀眾鞠躬。
不少粉絲在場外搶購紀念品，最受歡迎的「回水杯」於半小時內售罄。
黃子華用「回水杯」飲水獲得觀眾大讚靚仔。
大批粉絲不願走
棟篤笑結束後，紅館外仍有逾300粉絲等偶像。黃子華現身離開時，不停和在場粉絲揮手兼合什答謝，期間不少粉絲送花、相架、信件等。最感動是即場唱出他的歌曲〈子華說〉及〈藍天〉，更有粉絲叫他開演唱會。問到完騷後會否很攰？他笑說：「OK ！ OK ！」臨上車前，子華再度和粉絲揮手，關車門時也鞠躬答謝大家。
完騷後，場外逾300粉絲在等黃子華現身。
下載APP