有睇過怪獸電影《哥斯拉》嘅都知，「哥斯拉」係一隻貌似蜥蝪，並可以深潛海中嘅怪獸，但係有冇諗過佢如果生活喺真實世界，會喺邊度出沒呢？係咪都係咁大隻？最近網絡流傳一段影片，顯示真實世界原來真係有「哥斯拉」存在，真身其實係海鬣蜥（Marine iguanas）。據英國《每日郵報》報道，澳洲潛水夫史蒂夫•溫科沃斯（Steve Winkworth）較早時喺太平洋東部加拉帕戈斯群島海水下，捕捉到一隻宛如怪獸「哥斯拉」嘅海鬣蜥用尾遊動、深海捕食嘅畫面。片中樣貌凶惡嘅海鬣蜥有銳利嘅爪，同張牙舞爪嘅「哥斯拉」真係有幾分相似。同樣嘅係，海鬣蜥深諳水性，並可以係海床快速爬行同係海中暢泳。有調查顯示，佢哋可以昧水至九米深。
不過，與「哥斯拉」唔同嘅係，海鬣蜥唔會噴火，生性馴品，而且係草食動物，以食野海藻為生。雖然海鬣蜥嘅體型最大得150公分長，但網友仍戲稱佢哋係「哥斯拉」迷你版。事實上，荷里活1998年翻拍的「哥斯拉」電影，「哥斯拉」嘅形象就係以海鬣蜥為原形設計出嚟嘅。
下載APP