即將踏入49歲的鄭嘉穎，與拍拖三年的27歲陳凱琳（Grace）日前傳出下月拉埋天窗，更打算在峇里舉行小型婚禮，並邀請十多位至親好友見證「父女戀」開花結果。昨日，Grace終於正式在社交網宣布喜訊，認嫁大她22年的鄭嘉穎，並直認對方就是她的「唯一」，唯一她否認了兩人是奉子成婚。 （文：黎永樂）
鄭嘉穎與陳凱琳於2016年拍攝TVB劇集《殭》撻着，縱使相差22歲，戀情一開始不被外界看好，但二人卻愈愛愈高調，最近更盛傳兩人下月12日飛到峇里島結婚，順便慶祝鄭嘉穎下月49歲的生日。甚至有指二人「雙喜臨門」，Grace已懷孕五至六周，現時已停工安胎。面對所有傳聞，男女主角身邊的「兄弟姊妹」都下了禁口令，對「婚禮」詳情無可奉告，就連主角都只係話：「有消息再通知大家！」超級密實！
鄭嘉穎與陳凱琳被爆結婚趕生B，女方終認拉埋天窗，「父女戀」修成正果，恭善恭善！
鄭嘉穎貿與陳凱琳因《殭》結緣，最終正式成為夫妻。
Grace上月出活動時仍穿高跟鞋兼未見肚，令人難以相信她結婚趕生B！
男方聖誕節求婚
不認不認還需認，昨日，Grace都終於忍不住要公開婚訊，她在個人社交網上載了她與嘉穎的甜蜜攬攬照，並以英語交待一切。Grace承認終於要結婚，不斷在內文中放閃表示：「係，我已經訂咗婚。Kevin（鄭之洋名）同我已經拍拖超過三年，毫無疑問佢係我嘅唯一！」她又指上年聖誕時男友向她求婚，自己就一口答應，十分感恩雙方關係升到另一層次，夠晒浪漫。
陳凱琳近年和鄭嘉穎愈愛愈高調，終於在去年聖誕節時，男友向她求婚。
大前晚播出的《東張西望》，主持朱智賢（右）已爆內幕消息指下月12日有不少TVB同事請假，令婚禮間接一早通晒天。
開腔澄清大肚疑雲
對於有指陳凱琳在母親陪同下，三次現身醫院做產檢，傳出今次是奉子成婚，Grace亦首度開腔澄清：「最近有好多關於我哋嘅謠言，除咗我哋將會結婚，其他所有傳言都唔係真！我希望所有人會諒解同尊重我哋嘅私隱。好多謝所有人送上祝福，同最重要多謝我哋屋企人，展示最無條件嘅支持，愛爆你哋！」
陳凱琳昨日在社交網上宣布與鄭嘉穎結婚，獲萬個網友祝福！她亦同時否認奉子成婚。
劉佩玥等主人家安排
與陳凱琳屬同屆港姐的劉佩玥，昨日出席銅鑼灣活動時，被問有否向公司請假出席陳凱琳和鄭嘉穎的婚禮，她驚訝表示：「公布咗喇？唔知，等緊，等佢哋安排，好朋友會支持佢。（恭喜佢哋雙喜臨門？）唔知係咪雙喜臨門，總之喜事就開心。」她同時透露今年推出的寫真銷情理想。並開心指扣除成本後，打算用賺到的錢和幕後一齊「食牛雜」慶祝，並計劃影Part II。
今年推出仙氣寫真的劉佩玥，表示等安排出席兩人婚禮，隨時Ready ！
唐詩詠身為鄭嘉穎好友，日前出活動時被逼封嘴禁提婚禮，如今她唔使再「忍口」了！
下載APP