昨日，劉青雲、張家輝、陳家樂、湯怡及吳浩康等現身香港灣仔，出席新戲《廉政風雲 煙幕》舉行的煞科宴，女主角林嘉欣身在加拿大未能現身。飾演ICAC廉署人員的劉青雲和林嘉欣飾演夫妻，但他直言張家輝和林嘉欣最多戲份，更大爆張家輝去海外拍外景時大歎世界，自己則留在香港死慳死抵：「啲錢畀晒佢哋去澳洲。」（文：植筱詩）
劉青雲、張家輝、吳浩康及陳家樂等出席新戲煞科宴。
女主角林嘉欣身在加拿大，未能現身煞科宴。
劉青雲在新戲中飾演ICAC廉署人員。
張家輝相隔五年再度和劉青雲合作，他大讚和對方拍戲舒服：「佢係同我演對手戲之中最舒服嘅演員之一。我唔使做啲咩好突出嘅嘢，佢成日都揭開個心畀我睇咁，感覺好舒服。」劉青雲則大爆家輝拍攝期間去海外取景大歎世界，自己則留港死慳死抵：「你哋去澳洲拍外景，剩低我哋喺香港死慳死抵咁樣捱，啲錢畀晒你哋去澳洲花費。」
劉青雲大爆張家輝去澳洲外景時大歎世界，自己與劇組則留在香港死慳死抵。
澳洲外景假期多
劉青雲澄清自己並非羡慕：「澳洲我都去過啦，又熱，不過佢哋幾開心。」張家輝透露去足一個月，劉青雲搞笑回應：「因為佢啲戲做得慢囉。」張家輝聞言解釋：「係導演唔准我哋快，因為同外國製作團隊合作，時間好嚴謹，佢哋有休息日又有公眾假期，試過休兩至三日，自身本土製作就好少休息咁多日，去到外國拍嘢跟番人哋規矩。」
張家輝去澳洲拍攝外景一個月，更跟足當地假期休息。
青雲嘉欣扮夫妻
劉青雲和林嘉欣飾演夫妻，他指兩人戲中的性格有點相似，他又透露林嘉欣與張家輝有較多對手戲，但自己不會妒忌：「戲中同嘉欣有好多嗌交戲，呢啲咁深層次嘅戲最適合我嚟演。」提到現實中跟太太郭藹明十分恩愛，可會難以投入角色？劉青雲笑謂：「呢啲虛偽嘅表現，同太太少鬧交，無乜好講。」
劉青雲透露林嘉欣與張家輝有較多對手戲，但自己不會妒忌。
陳家樂大方鼓勵前度
陳家樂在片中扮演劉青雲得力助手，他坦言等待跟對方合作的機會很久，過往經常看劉青雲的電影，更視對方為學習對象：「青雲大哥喺拍攝現場唔會玩電話，只會喺角落培養情緒，表現得沉默寡言，應該要向佢學習。」提到舊愛余香凝因分手一事受到網絡欺凌，陳家樂直言有留言鼓勵對方：「網絡欺凌唔應該，但我唔可以做太多，只可以畀佢一啲鼓勵。」
陳家樂（右）在片中飾劉青雲得力助手，視對方為學習對象。
陳家樂留言鼓勵舊愛余香凝向前走。
吳浩康不捨表哥離世
吳浩康的表哥早前因中風離世，視表哥如親哥哥的吳浩康表示，活動後會趕到靈堂幫忙打點，現時心情時好時壞，幸好工作填滿時間，又指表哥生前常叫他以工作為先。談到家人心情，吳浩康忍住情緒表示，表哥有五個小朋友，我會為表哥陪伴佢哋成長。不幸之中唔使太擔心嘅喺表哥比較有計劃，保險上做咗啲工夫，經濟上唔使太擔心。」
吳浩康的表哥早前因中風離世，他現時心情時好時壞。
下載APP