噚日，草蜢以大使身份冒雨參加「香港街馬@九龍東2016」十公里比賽，由於佢哋三個人都係第一次參加馬拉松賽事，所以搵嚟黃佩霞做陪跑員。可能舉行時間太早，所以蘇志威冇食早餐就開跑，佢仲話：「唯有陣間每個水站都停一停，睇下有無嘢食！」點知蘇志威喺比賽尾段突然暈倒，需要送去聯合醫院救治！
草蜢三個人都係第一次參加馬拉松賽事。
接獲蘇志威暈倒嘅消息後，佢老婆劉小慧即時趕抵醫院了解，幸好蘇志威目前已經清醒無大礙。蘇志威話：「其實我最怕淋雨，好易會冷親，所以跑到咁上下突然暈倒，而家已經冇事，多謝各位關心。」至於大會公關就指蘇志威於賽事中途感到不適，並由工作人員送回起點休息，大會以安全著想將佢送去聯合醫院檢查，而蘇志威並冇跌傷。
接獲蘇志威暈倒嘅消息，老婆劉小慧即時趕抵醫院。
下載APP