早前，岑麗香（香香）宣布約滿離開TVB，當時有傳她是為了生BB才離開大台，原來她轉頭已跟王祖藍與邵氏合資的「手工藝創作」簽約，成為旗下藝人。問到過檔酬金和合約期限，香香均三緘其口。被問到生B大計？香香坦言與老公已開始「造人」：「努力緊，好多人催完又叫我輕鬆啲，呢啲順其自然喇。」 （文：植筱詩）
岑麗香早前宣布約滿離開TVB，當時有傳她是為了生BB才離開。
外界十分關注岑麗香和老公強強的「生B」大計。
日前，岑麗香現身香港將軍澳出席公開活動時，透露上月約滿TVB後，已經簽約新的經理人公司，新老闆是王祖藍：「其實簽咗祖藍嘅公司，啱啱喺7月中簽嘅。」問到跟王祖藍的合約期限及酬金，香香拒絕透露，她坦言離開TVB是需要多一點私人空間：「唔講咁多，其實祖藍都唔畀我講啦！」談到合約年期，香香再話：「呢啲再講啦，都夠嘅。」
岑麗香跟王祖藍與邵氏合資的「手工藝創作」簽約，成為旗下藝人。
嘗試不同方式合作
談及簽約後的工作模式，香香表示希望嘗試不同的合作方式：「拍咗咁多年劇集，自己都好鍾意拍電影，可以試吓唔同嘅嘢，自己學咗咁耐廣東話，都可以學吓普通話嘅。劇集都想再拍，都有幾個Job 會做。」被問到將來計劃，她坦言：「其實自己都需要好多方面嘅時間，而家都畀到好多時間我去探屋企人，呢樣嘢係做到嘅。」
同老公努力「造人」
自從香香結婚後，外界都十分關注她和老公強強的「生B」大計，對此，香香坦言順其自然：「唔可以話唔畀人生BB.！而家都有努力嘅。（有冇向祖藍兩公婆取經？）佢好明顯有努力喇，好戥佢哋開心。」問到有無被人催生B ？香香說：「大家都叫我唔好咁大壓力，好多人催完又叫我輕鬆啲，呢啲順其自然喇，最好收多啲唔同嘅貼士，已經好努力加油嘞。」
岑麗香恭喜王祖藍和李亞男「造人」成功。
下載APP