容祖兒（Joey）與劉浩龍（師兄）的戀情可謂峰迴路轉，年初兩人被爆五年情玩完，但一直未有公開承認分手。日前，Joey搞「船P」慶祝生日，師兄當時亦在場，其後兩人更被拍到單獨撐枱腳，令復合之說更加似層層。對此，Joey承認和師兄間中都會見面：「我都抱開放態度，大家唔使擔心同過分關心。」（文：植筱詩）
容祖兒承認和劉浩龍間中都會私下見面，對復合持開放態度。
容祖兒搞「船P」慶祝生日，劉浩龍亦有出席。
昨日，Joey現身商台宣傳新歌〈心之科學〉，事隔兩年再度推出新歌，Joey指今次是個新嘗試：「本身都擔心，但非常意外地，好多歌迷都話鍾意，如果今年淨係出一首歌嘅話，我都覺得交到功課。」談及新歌是講分手，Joey自言是演繹者，填詞人黃偉文寫甚麼詞照唱：「我哋事前冇溝通，我將佢想傳遞嘅訊息傳遞出嚟。」
容祖兒與劉浩龍的戀情可謂峰迴路轉。
親邀師兄遊船河
近日，適逢Joey 38歲生日，蔡卓妍、鄭希怡和謝霆鋒等一班好友出海開Party慶祝生日，師兄亦有現身。對此，Joey直認是親自邀請對方：「遊船河唔使化妝，就集合一班為數不多而信任嘅人，玩咗一個下午。自己年紀大，原本不想捱夜，但盛情難卻，遊完船河趕去同媽咪食飯，朋友再等我玩下半場，好開心。」
過往兩人出席朋友活動都表現親密。
承認兩人有見面
談及私下再跟師兄撐枱腳又被發現，Joey表示：「食餐飯囉！我哋間中都會見面，我可以跟任何人食飯，大家點寫都得，我呢個階段面對任何評論和揣測，抱開放態度。我心裡有數，亦有分數，我行了30幾年，自己對工作及私生活有自己的處理方法及態度，大家不用擔心，亦毋須過分關心。」問到和師兄關係是朋友還是情侶？她說：「喺我嘅世界入面，除非係家人，否則其他都係朋友，咁好明顯師兄唔係家人。」
留前鬥後唔恨嫁
曾經講過想40歲前出嫁，Joey笑稱生日願望是新歌受歡迎，及媽媽身體健康。問她會否想學好姊妹鍾欣潼一樣結婚組織家庭？ Joey笑言：「未想嫁，而家先38歲， 緣分好難講，每日有唔同變化，人生唔應該畀時限框死，當別人結婚，我偏偏唔結，我要留前鬥後，人哋結婚我唔結，之後先急起直追呢！」
容祖兒笑稱生日願望是新歌受歡迎，以及媽媽身體健康。
見到鍾欣潼結婚，容祖兒自言要留前鬥後，未想嫁住。
下載APP