最近憑無綫劇《逆緣》成功入屋的陳家樂，上周五以英皇珠寶「港澳區明星店長」身分，出席澳門新店「巡視業務」，他興奮表示店長位置由香港區升呢到港澳區，人氣帶旺他薪酬暴增了一倍。他更開心地指不少澳門街坊見到他都給予大大力支持，不過問他可有想過於年尾憑劇爭「喜愛男角色」甚至視帝，他驚訝表示：「諗都唔敢諗！」認真謙虛！（ 文：黎永樂）
陳家樂以英皇珠寶「港澳區明星店長」身分，出席澳門新店「巡視業務」。
陳家樂近月人氣急升，連吸金力也一起上升，早前他為香港的英皇珠寶新店擔任一日店長，隨即獲老闆楊受成欽點升呢做「港澳明星店長」，日前他更來到澳門的新店巡視，吸引大批粉絲爭相拍照，家樂興奮說：「希望今次會得到好好反應，可以下次再晉級擔任『大中華區店長』，因為今次升咗一個區域，酬勞都多咗一倍，真的好多謝老闆。」
否認與女友築愛巢
剛巧過去星期日是父親節，賺得不少的家樂揚言應該是時候回饋給予他最多支持的爸爸，並打算送一些以型格類型為主的戒指報答對方。而問到之後會否買求婚戒指給女友余香凝，家樂坦言一早送了戒指給她，反而現在希望能實行置業計劃，問他是否想築愛巢？他否認道：「我想放租作投資用，而家普遍一間屋都要600至800萬，希望首次置業時可以有4成首期，所以目前我重係儲緊首期，亦想減輕供樓負擔，築愛巢就遲啲先計劃。」
除了父親外，家樂也十分感謝港澳觀眾對他的支持，他表示來到澳門有很多街坊認得他並找他影相，他開心地說：「佢哋都話有睇《逆緣》，自己好感動。我自己都無想象到咁多人會喜愛呢個角色，而且TVB嘅劇集，佢嘅平台唔只喺香港，真係好有威力，唔同嘅地區都睇到！」問到會否想年尾爭視帝，他表示頒獎禮太遙遠，自己演技有很多進步空間，所以想都不敢想。
不少澳門街坊向家樂說有睇《逆緣》，令他人氣急升兼身價上漲。
下載APP