食完飯後就瞌眼瞓想瞓覺，或者食食嚇飯瞓著，好多人以為係飯氣攻心休息下就冇事，但唔一定哦，有冇諗過可能係因為患上「食物昏迷症」（postprandial hypoglycaemia）所致。「食物昏迷症」又稱「餐後低血糖」，會令人食嘢之後就覺得嚴重疲勞。英國一名被證實患上「食物昏迷症」嘅43歲化妝師佩爾明斯基（Faye Perminsky）表示，「十年嚟次次食完飯後都好頭暈，如果晚上想出街食飯，佢哋7時左右出發，個半鐘後就要返屋企，因為佢係餐廳度保持唔到清醒，最遲9時就要入睡，所以有時佢就算想多D陪下老公同個仔都唔得」。
專家指出，呢種「食物昏迷」情況比預期還普遍，佢解釋麵包同其他碳水化合物食物，會釋放大量葡萄糖至血管，令胰島素上升，以致令人出現疲勞、視線模糊、顫抖、頭暈同心悸等徵狀。但通常只使改變飲食習慣便可改善病情，並建議病人嘗試「高蛋白質、低碳水化合物」飲食，將雞肉、魚、肉同蛋等有助血糖穩定啲食物代替碳水化合物。除此之外，有醫生亦建議病人要小食多餐、紀錄食物日記，揀食藜麥、全麥麵食或者糙米等未精製嘅碳水化合物，如果情況仲冇係改善，應即刻求診。
下載APP