苗僑偉（三哥）、吳卓羲、黃宗澤（Bosco）、黃智雯及陳凱琳等於香港出席劇集《飛虎之潛行極戰》的慶功宴。劇集於內地網點擊率高達32.6億， 成為內地港劇收視冠軍，在myTVSUPER網上點擊率亦超過980萬，成績理想。在慶功宴上，邵氏執行董事樂易玲率領一眾「福將」台上開香檳慶祝，並即場宣布開拍續集。（文：植筱詩）
《飛虎》於內地網點擊率高達32.6億，成為內地港劇之冠。
《飛虎》落實開拍續集，黃宗澤自爆有份演出。
苗僑偉、吳卓羲及黃宗澤等出席新劇慶功宴。
對於成為邵氏「福將」，吳卓羲坦言非常開心：「聽到咁好成績，開心到不得了。多謝三哥帶挈我哋做福將，係佢叫我拍呢部劇，一齊嚟玩，我聽到有咁多咁好嘅演員，當然立即應承。」見到劇集有好成績，Bosco也覺得拍攝辛苦也值得。
吳卓羲笑稱續集不敢加人工，怕講太多會被飛出局。
續集收視壓力大
劇集落實開拍續集，Bosco自爆有份演出：「個角色唔係死咗都有得繼續拍嘅，除非拍到死咗啫！」他坦言這次點擊率高為拍攝續集帶來不少壓力：「而家係港劇喺內地點擊率最高嘅一部戲，我覺得會來嚟某種壓力，而家準備開第二部，如果下輯達唔到呢個成績會好冇面，顏面何存？所以壓力非常之大，但有三哥佢哋頂住，都有信心嘅。」
除衫變例行公事
問到續集會否繼續騷肌露肉保證收視？ Bosco大方表示：「而家除衫好似變咗例行公事咁，如果劇情需要，除就除。」談及吳卓羲大爆三哥酬勞最高，Bosco指三哥地位高所以片酬高亦好正常：「續集唔望加人工，但望加啲製作費，多啲大型場口。（拍電影版？）如果有，電影版會重犀利，續集原班陣容都已經好好，但希望三哥同王敏德着多啲飛虎衫，作為老友梗拉埋佢落水。」
黃宗澤表示唔介意再度露肉騷肌保證續集收視。
吳卓羲大爆續集的演員中以苗僑偉酬勞最高。
否認蝕讓蠔吧
Bosco曾於2013年豪擲港幣400多萬開蠔吧，但近日有指他靜悄悄將蠔吧蝕讓放盤，頂手費低價115萬港幣。對此，Bosco否認：「係諗住擴充間蠔吧，遲啲搬去其他地方，到時再話畀大家知搬去邊喇！」對於有傳他和三哥夾份開火鍋店，Bosco大賣關子：「等佢公布啦！佢而家喺加拿大放緊假，嚟緊我都會抖吓，之前一連拍好多套劇都好攰。」
黃宗澤否認蝕讓蠔吧，只是計劃擴充。
吳卓羲建議加出浴戲
吳卓羲指去年夏天拍攝該劇非常辛苦，無中暑已偷笑，希望拍續集時天氣轉涼。有記者提議除衫演出便不怕熱，他聞言笑謂：「冬天拍唔使除衫，除衫怕影到起雞皮，或者加場出浴戲，我、三哥加埋Bosco一齊浸溫泉。」他笑稱，續集不敢再談加人工，怕講太多會被飛出局，片酬合理夠開飯已經好開心。
吳卓羲（右二）提議續集和苗僑偉、黃宗澤拍攝出浴戲。
吳卓羲指去年夏天拍攝劇集非常辛苦。
下載APP