我哋平時煮餸唔多唔少都會落啲鹽去調調味，久而久之對身體當然唔好，唔單只會高血壓，仲會增加呼吸道、腎臟、骨質疏鬆等風險！不過，如果有呢支日本發明嘅「調味電叉」，可能會幫你。
據了解，呢支「調味電叉」由日本東京大學一個研究團隊發明，針對奉行低鹽或者無鹽餐單嘅人士而設，而當地一間無鹽餐廳已經率先試用。呢支「電叉」嘅原理係透過供電，當支永叉接觸條脷時會形成電路，繼而刺激味蕾，使用者就算食少鹽嘅嘢，都會帶有鹹味。而電刺激嘅強度，亦可以因應需要而調教。「電叉」成本價為18美元（約澳門幣144元），不過專家話過電流不宜太大，否則反而會有種金屬腥味。
下載APP