張家輝自導自演的新戲《低壓槽》於香港舉行首映禮，除了張可頤、苗僑偉、張繼聰、陳慧琳、王晶等出席外，和家輝異父異母的「大佬」張學友亦特別現身支持。家輝直言沒想到學友能到場：「佢起勢咁巡迴，成日都要飛來飛去，不過呢兩日通過電話，咁啱佢喺香港，所以就叫佢嚟。」 （文：植筱詩）
張學友現身支持張家輝新戲首映禮。
陳慧琳亦特別現身力撐好友張家輝新戲。
有份演出的張可頤、苗僑偉、張繼聰紛紛現身首映禮。
現正忙於世界巡迴演唱會的學友，即將飛去內地江西開騷，提到老友梁朝偉、劉嘉玲及曾志偉等拉隊去台北捧場，學友表示：「係呀，佢哋幫朋友慶祝生日，我Book咗間VIP房畀佢哋， 諗住好秘密喇，點知佢哋自己登晒出嚟。」問到兩人可有合作機會？家輝說：「佢邊得閒，巡迴巡咗幾年，好似行咇咁。
張學友現身支持張家輝新戲首映禮。
「兩兄弟」望拍住上
學友透露看過《低壓槽》的宣傳片，大讚家輝進步好多，在鏡頭上運用意識形態有個人風格：「相比我有份參與嘅《陀地驅魔人》成熟咗好多，打鬥戲好特別。」家輝聞言笑指自己還有好大進步空間，亦多謝投資方容許他任性，望日後有機會嘗試其他戲種。問家輝會否等學友完成巡唱開新戲，「兩兄弟」再度拍住上？學友回應：「巡迴演唱會開到1月，你唔會咁快開嘛！」
學友大讚有風範
家輝表示一直安守本份，好清楚自己是演員，如果有好劇本便會再做導演。學友笑指家輝以導演身分現身，成個人好有「大佬」風範：「做咗導演成個人唔同咗，以前好似我咁無乜Point，做咗導演好有風格、好正經，搞到我有啲驚，想叫番佢做大佬。」家輝聞言搞笑回應：「唔使驚！細佬。」
張學友讚張家輝做導演進步好多，好有個人風格。
常被取笑發音不準
提到在內地拍廣告以普通話自我介紹，因發音不準，被網民譏為「渣渣輝」，家輝說：「我唔介意，好玩又有親切感，當然自己不會鼓吹，亦阻止唔到。」學友提議家輝返去練習一下，或者平時交流時多講普通話，但家輝表示：「你都笑過我好多次喇！我覺得已經冇進步嘅空間，其實好多香港人喺內地拍戲都會搵北京人配音，我當然樂意咁做喇。」
張家輝表示一直安守本份，好清楚自己是個演員。
拒讓老婆拍電影
家輝指就算自己練到流利的普通話亦不會被採用：「內地有一套佢哋嘅標準，唔係對我有偏見。（咁係咪即係唔學？）我係忠於自己，比較反叛啲嘅。」談及會否考慮與老婆關詠荷合作拍戲，家輝坦言機會甚微：「呢個應該冇乜機會，因為屋企始終都要有人睇住，所以我會自私啲唔畀佢拍。」
張家輝表示和老婆關詠荷合作拍戲的機會甚微。
下載APP