各位遊澳Guide民好，我係泰國通胡慧沖（Roger），好高興同大家見面，今日為大家真心推薦 「榴槤」忘返美食。好多遊客來泰國曼谷例必掃超市，即食麵、牙膏、百力滋乜都買一餐！但如果你係一名榴槤粉絲，你會發覺好多產品只係泰國有得買，舉個例，Siam Paragon裡面就有一系列榴槤美食，可以話係掃貨熱點，而榴槤產品重則有濃烈榴槤味道，輕則有榴槤鮮香，沖製榴槤咖啡、榴槤奶、榴槤威化餅、榴槤蛋卷、就連榴槤酥都有。
不過講到最邪惡，我自己會揀榴槤Cream（Durian Puree Cream）。呢隻Cream本身係主要要來搽麵包用，不過話說有榴槤粉絲覺得味道如此香，淨係用來食真係好浪費，於是乎索性開埋個蓋，將Durian Puree Cream當空氣清新劑用，令全屋飄來陣陣榴槤芬芳，真係好Crazy！另外，我亦知道有榴槤糯米飯的香水噴劑，有興趣我可以大家推介。雖然馬來西亞都盛產榴槤，不過講到副產品，泰國價錢又平又多選擇，一定完勝！榴槤並非人人受，不過副產品當手信，應該好有話題！
呢個就係超邪惡Durian Puree Cream，有人開蓋當空氣清新劑！
人氣急升有榴槤酥。
CrispyRoll都有好多人真心鍾意。
榴槤蛋糕亦好唔少人喜愛。
下載APP