黃子華宣布「封咪」,今年7月舉行的《金盆(口浪)口》，將會是他28年棟篤笑生涯的告別作，引起大班粉絲嘩然。「子華神」的棟篤笑向來都已經是一票難求，今次告別騷的門票更是爭崩頭。有不少網民於討論區聲稱買不到飛，同時黃牛黨又出嚟搵食，門票黑巿價竟然炒到港幣$15,000以上一張，認真誇張。
日前，黃子華於個人facebook專頁上載兩段短片，他先怒斥對黃牛黨炒飛情況猖獗，同時宣布下月正式賣飛會設置限購制度：「下個月在城市電腦售票網公開發售時，每人只限買四張，因為要杜絕黃牛黨取利！」他表示，原本有兩場用來休息或用作打風時來「賠番畀大家」，但現在決定放棄休息而加場：「總之搏命！將啲飛賣晒畀觀眾。」
今年7月舉行的《金盆(口浪)口》，將是黃子華棟篤笑生涯的告別作。
本來黃子華的棟篤笑騷已一票難求，告別演出的門票更加是爭崩頭。
否認內部有黑手
黃子華透露，他的工作團隊開始喊晒口打電話給他，初時他以為是網上預售銷情不好，原來是黃牛黨在搞搞震，他說：「團隊點解喺度喊？因為電台、記者、各方面都搵佢哋，話有網站啲人喺度賣黃牛，嗰啲人話『係有內部渠道』！我到而家為止都冇飛，我個團隊都冇飛，佢哋已經有飛，因為佢哋有『內部嘅渠道』。」
還沒正式開售，網上已經有黃牛飛在高價炒賣。
呼籲政府關注問題
面對如此猖獗的黃牛黨，黃子華直言原本有打算報警，但又覺得無線索可以去舉報：「係咪應該報警或者報ICAC呢？內部竟然有飛，係點樣得嚟？最大問題，根據現有法例，黃牛並唔係完全犯法，我喺度正式同政府提出，大家系咪系時候正視？」黃子華呼籲政府注視黃牛黨問題，同時又呼籲大家唔好買炒飛。
遭網民指又食又拎
對於有網民留言，指責他一邊賣飛一邊賣黃牛，黃子華激動表示：「有啲人講：『係咪你呀黃子華？又食又拎？一方面正式賣飛，另一方面黃牛又係你！』點解我團隊中有啲人會喊嘅其中一個原因，就係覺得好委屈。我冇咁嘅本事，可以話畀你聽，我比任何人都覺得嬲，我花咗咁多精神時間去準備，每日臨瞓、未起身一擘大眼、半夢半醒諗緊嗰句嘢點講呢？」
被網民指「又食又拎」，黃子華激動澄清傳聞。
黃子華嬲爆開live澄清冇另備內部飛。
唔想粉絲幫襯黃牛
黃子華坦言，團隊辛苦去準備一個表演，然後被一些完全不需要付出的人，去賣一倍、兩倍、三四五六七倍的價錢，令長期支援自己的粉絲去承受這個價錢，真的非常離譜。他表示，寧願個騷冇人睇都唔想益黃牛黨：「唔好買！即係如果我做騷有一堆空，最前嗰啲空晒，如果我見到好多場都係咁，咁即係證明好多人可能冇買黃牛。可能咪做番一、兩場，補番畀呢啲觀眾囉！」
日前，黃子華拍片宣布這是最後一次的棟篤笑演出，引起全城嘩然。
黃子華表示寧願個騷冇人嚟，都不要益黃牛黨。
下載APP