被眾網人圍插新智能咪錶反智，原來不止在網上，更有真實用家用過新咪錶後非常有「感受」，《力報》聯絡到一位新咪錶用家Tony，並向我們分享使用新咪錶的「難忘」經歷。
Tony表示，有一次滿心歡喜見到有個咪錶位，於是泊好車後走到智能化咪錶跟前。
Tony說：「行到埋去寫住DO NOT PARK(不能停車)，跟住就打去咪錶公司客服問係咪唔泊得。」咪錶公司就話：「係！唔泊得，你要揸走佢。」Tony覺得此舉實在非常擾民;更有試過被「食銀」及「唔食銀」，及後同樣致電客服，卻被告知要待師傅修理後再入銀，但不知何時修好，否則就只好把車駛走，令當時正趕著工作開會的Tony倍感無奈。
原來地線上的泊位號碼也對新咪錶使用產生嚴重影響，Tony指：「車位地線number成日都冇嘅，我就要去估，如果係斜路車位就更加麻煩，需要由斜路頂走到斜路底去估所泊車位嘅號碼」。因為新咪錶需輸入車位號碼，所以用家需要清楚看到泊位號碼才能使用。
Tony表示還有不便之處，咪錶設有拍卡付款本來是方便的，但是Tony說：「如果你用卡，泊兩個鐘12蚊，㩒咗OK之後，仲要㩒個箭咀12次先可以成功俾錢」。同時咪錶顯示反應慢，實在令人困擾，有時甚至覺得以前的舊咪錶更加實用方便。
Tony呼籲政府可以幫助跟進問題：「呢個係令成個泊車情況倒退，希望政府能夠正視」。
下載APP