昨日，張學友、林嘉欣及黃秋生出席「英皇電影2016巡禮」。現場公布了11部將於今年上映的電影預告片，當中以入圍多項香港「金像獎」的《暗色天堂》打頭陣。在片中飾演大狀的黃秋生表示：「導演畀咗好大空間我亂咁做，希望今次締造一個奇蹟，睇得出呢部戲會有影帝、影后出現。」
張學友坦言失望太多次，已對問鼎影帝完全沒有期望。
在接受訪問時，張學友坦言對於問鼎影帝完全沒有期望，他說：「佢哋講啫！我都冇期望過。前後提名過五次，次次都話我機會高，我都信命格嘅嘢，攞唔到一定有理由，可能係我嘅演譯唔啱評審口味。」問他睇好邊位競爭對手？學友坦言未看完所有電影，但郭富城率先在「導演會」攞獎，所以對他睇高一線。
張學友、林嘉欣及黃秋生一起出席「英皇電影2016巡禮」。
睇好林嘉欣封后
雖然對自己拿獎沒有期望，但學友卻對林嘉欣奪影后充滿信心，他說：「佢攞慣獎喇！呢啲嘢好講命嘅，攞開嘅就會繼續攞，如果係秋生提名（因秋生未非攞慣獎），我就攞梗啦！」林嘉欣則大讚學友是自己的「幸運星」，她說：「我睇好學友，佢係我心目中嘅最佳男主角。」學友聞言笑說：「你都講定啲安慰說話啦！因為係在你『心中』吖嘛！」
林嘉欣則大讚張學友是自己的「幸運星」。
否認演唱會延期
早前有報道指學友的世界巡迴演唱會，因與前經理人陳淑芬的合作問題搞到要延期。不過，昨日環球唱片就發表聲明否認，並強調今次巡迴演唱會一直在籌備當中。對此，學友表示：「其實演唱會係冇延期嘅，而家就交咗畀公司處理，遲啲會再發聲明，其實呢排為咗籌備演唱會自己都好忙。」
不少人看完預告片後，都對張學友的表現抱很大期望。
下載APP