現年37歲的女星鍾欣潼（阿嬌），和32歲台灣「醫界王陽明」賴弘國拍拖半年，即閃電訂婚，攜手步向下一站幸福，獲大批網民留言祝福。日前，網上流出一段阿嬌被求婚的短片，有傳兩人將於年底拉埋天窗。情路崎嶇的阿嬌一直恨生BB，她早在拍拖前已為未來「造人」大計未雨綢繆，於2016年秘密接受「雪卵」手術，為生BB做足準備。
鍾欣潼早在拍拖前，已為未來的「造人」大計未雨綢繆。
早前，阿嬌透過社交網站宣布和拍拖半年的台灣男友賴弘國訂婚，惹來全城關注。日前，賴弘國的求婚片段在網上曝光。當日適逢阿嬌37歲生日，賴弘國趁Twins在澳門開演唱會期間，秘密到阿嬌香閨布置紫色汽球及星星燈飾。阿嬌做完騷返港慶祝生日時，賴弘國拿著巨鑽及玫瑰花，播放美國樂隊Train的求婚歌〈Marry me 〉，跪地向女友求婚。
鍾欣潼大晒幸福鑽戒，宣布男友求婚成功。
讚未婚夫有擔帶
在浪漫歌曲背景下，穿著筆挺西裝的賴弘國單膝跪在阿嬌面前，情深款款遞上鑽戒，阿嬌即時報以甜笑，既害羞又感動，她輕輕點頭並伸出左手，讓男友為其戴上戒指，最後兩人深情相擁，現場傳出拍掌歡呼聲。事後，阿嬌大讚賴弘國有擔帶，承諾照顧她與家人，又笑稱自己較為懶，想婚禮一切從簡：「可能簽張紙，請啲親戚朋友一齊見證，再開個Party，但唔係飲宴，因為實在太攰喇。」
賴弘國趁鍾欣潼在澳門開演唱會時，秘密布置求婚場地。
賴弘國單膝跪地，情深款款遞上訂婚鑽戒，讓阿嬌既害羞又感動。
兩人有生B共識
賴弘國於阿嬌生日當天求婚成功，有消息指因為兩人都很喜歡小朋友，一早有共識，希望趕在狗年生BB。事實上，以前情路崎嶇的阿嬌，在未遇到真命天子之前，一直擔心自己嫁不出。眼見自己迫近剩女之齡，一直恨生BB的她，早在拍拖前已為未來的「造人」大計未雨綢繆，秘密接受「雪卵」手術。
承認做手術「雪卵」
對此，阿嬌經理人霍汶希接受訪問時，大方承認阿嬌的確有做「雪卵」安排，她表示：「阿嬌覺得For一個準備，佢覺得唔係秘密，但唔覺得要拎出嚟公布嘅事，佢只係對自己有一個計劃，因為佢好鍾意小朋友。做呢個手術嗰陣佢當時係單身，重未搵到Mr. Right，雪卵都係希望有個保障先去做，其實已經係好耐前嘅事，唔係最近嘅事。」
鍾欣潼於2016年秘密接受「雪卵」手術，為生BB做足準備。
打賀爾蒙針暴脹
據了解，阿嬌早於2016年進行「雪卵」手術，因為當時檢查身體後，她覺得當時的身體狀況處於最健康狀態，是最適當做手術的時間。不過，在接受手術前，阿嬌要先依計劃注射賀爾蒙針，導致當時身形突然暴脹。為掩飾「雪卵」大計，當時阿嬌以賀爾蒙失調為由瞞天過海。
下載APP