日前，歐陽震華（Bobby）出席公開活動， 談及兩大視帝郭晉安和陳豪離開TVB 外闖，Bobby以過來人身分表示理解，坦言未離開過的人都會有想出去的心，沒有出過去就不知甚麼是不好。Bobby透露自己當年出走收入比TVB多三倍，自爆賺到笑：「當年日日對住份糧好開心，但我始終較鍾意喺TVB工作，呢到嘅人情味係其他地方比唔上嘅。」
歐陽震華認為好多藝人未離開過TVB，都會好想出去睇下。
在活動上，Bobby現場大啖試食鮑魚，提到私下對食物是否高要求？他表示：「都唔係嘅，我食嘢無分貴賤，最重要係鍾意。今次幫朋友做代言，因為呢個真係好方便，以前食鮑魚好勞師動眾咁，呢個我睇波就開嚟食。」問到這次做代言人收友情價？ Bobby笑言：「接近天價，老友嘅嘢，個品牌名我都有份諗。（送股份畀你？）唔話你知，我哋唔講呢啲，友誼第一。」
歐陽震華出席公開活動，現場大啖試食鮑魚。
以過來人身分理解
對於有指郭晉安和TVB轉簽部頭合約，改簽王祖藍做經理人，陳豪亦有意離巢北上賺人仔養家。Bobby認為好多藝人未離開過TVB，都會好想出去看下，他以過來人身分表示理解：「佢未走過吖嘛！有好多人未出去過就會想出去睇下。我拍完《壹號皇庭II 》之後，我都出咗去十個月，拍下電視電影、客串電影，同埋去馬來西亞拍處境劇，之後《壹號皇庭》系列再開拍，我先再返TVB。」
陳豪否認離巢，透露距離續約仍有一段時間。
陳豪望有不同發展機會，想嘗試拍內地劇或合拍劇。
歐陽震華坦言喜歡在TVB工作，人情味其他地方比不上。
外闖收入多三倍
Bobby坦言人的本性好奇，出去看看也未必是壞事。問到外闖那十個月的人工是否等如在TVB一年收入的三倍？他自爆賺到笑：「呢樣唔使講，唔止.喇，我當年喺TVB得萬幾蚊。（一共賺咗幾多？）我冇計，見到啲人工好開心，唔出去睇唔知乜係好，乜係冇咁好。出去十個月拍咗電視劇、電影，我喺TVB，啲人唔係唔想搵你，但係手續好繁複，要花好多時間傾條件。」
歐陽震華自爆當年外闖收入比TVB多三倍。
撑陳豪「有毛有翼」
問到陳豪離巢有否問他意見？ Bobby笑稱對方有毛有翼，不用問他：「你估我好熟出面咩，使乜問我意見，佢未試過就親身體驗下，冇人敢蝦佢。因為我哋出到去真係好專業，做樣樣嘢都好，同內地拍廣告、電視劇都好，片場個個拍手掌。我係乜都得，叫我做乜反應都做到。」至於為何返去TVB ？ Bobby坦言是因為人情味：「喺TVB由外圍打招呼打到化妝間，以前科技冇咁先進，大家有個交流，而家個個拎住電話，唔需要朋友，所以科技帶嚟冷漠。」
歐陽震華笑稱陳豪有毛有翼，是否離巢不用問他。
望有唔同發展機會
日前，陳豪出席公開活動時，亦被問到和TVB解約，北上拍內地劇賺人仔一事。對此，陳豪否認離巢，他透露距離續約仍有一段時間，但差不多時候傾續約。談到續約條件，陳豪認為最重要是開心。問到是否有意北上發展？他表示：「從演員角度，當然希望有唔同嘅發展機會，拍咗TVB劇好多年，都想嘗試拍內地劇或合拍劇。（話你嫌公司人工低？）我冇講過，我對人工滿意。而家咩情況未知，要傾。」
歐陽震華和陳豪在《誇世代》中的表現，獲網民一致激讚。
下載APP