吳奇隆同劉詩詩將於本月20日喺峇里島舉行婚禮，繼前日公開浪漫婚紗照後，兩人再齊齊接受內地雜誌訪問。喺訪問入面，劉詩詩坦言最欣賞吳奇隆有責任心。當問到佢哋生活中有摩擦會點處理時，吳奇隆就話：「相處一定有摩擦，但我和詩詩會講出自己的想法，我認為不同的觀點反而會增加彼此了解對方。」
吳奇隆坦言婚禮乜都可以冇，就係唔可以冇劉詩詩。
問到對婚禮同鑽戒有冇特別嘅要求？吳奇隆就話婚禮對女仔嚟講非常重要，佢話：「我明白詩詩的個性，鑽戒不一定要很大很貴，但我不希望詩詩湊合將就，希望她的鑽戒是最純淨的。」問到兩人心目中最完美嘅婚禮時，吳奇隆就趁機向劉詩詩深情告白，佢話：「婚禮缺甚麼都可以，但不能缺這個人。」
吳奇隆喺婚紗照中公然挑逗劉詩詩。
下載APP