由《虎膽龍威2》、《巔峰戰士》荷里活導演雷尼哈林（Renny Harlin）執導，張家輝、任賢齊（小齊）、內地女星楊紫主演的新戲《沉默的證人》，日前舉行煞科宴。雷尼克林表示和團隊合作愉快，感覺特別又奇妙。繼2004年《大事件》後，家輝和小齊相隔14年再度合作，他更在片中被小齊打鑊甘，獲封為「拼命三郎」。
張家輝在片中被打鑊甘，獲封為「拼命三郎」。
張家輝和任賢齊主演的新戲舉行煞科宴。
張家輝和小齊當年在《大事件》中，飾演一兵一賊，重火力決鬥。相隔14年後再度合作，張家輝飾演法醫，而小齊就繼續做大賊突襲殮房劫屍，原來當中涉及一宗重要案件的證據。家輝表示這次和小齊合作默契十足，擦出新火花：「今次我哋溝通多咗好多，我哋嘅對立會為觀眾帶嚟好大嘅張力。小齊係一個好斯文嘅人，我如果係導演開戲，我一定會邀請佢演出。」
任賢齊在新戲中繼續做大賊，更突襲殮房劫屍。
繼2004 年《大事件》後，張家輝和任賢齊相隔14年再度合作。
小齊負責打家輝
再次飾演大賊的小齊這次主要負責打家輝，他大讚對方夠敬業：「成套戲好多打鬥場面，主要係我打家輝，又要衝玻璃，有幕仲要推佢埋牆，好辛苦。家輝好搏命，係拼命三郎。」問到家輝是否有受傷？家輝表示有用安全墊，更笑言沒有踢中重要部位：「第二次合作，小齊好多爆玻璃嘅戲，佢都好順得人。大家合作溝通互動多咗，好成熟，但係有好多動作戲要去應付。」
張家輝和任賢齊在新戲中有大量打鬥戲分。
打戲精益求精
小齊指當年拍《大事件》時，以為動作戲是由龍虎武師代家輝拍，後來才發現原來家輝親自上陣：「有一場戲講架車撞埋家輝度，畀車彈到好遠，本來以為係替身，原來係佢自己演。」家輝聽聞笑言：「而家唔敢喇，幾廿歲喇！」小齊透露片中有一幕是一腳踢在家輝身上，雖然導演已經收貨，但家輝仍精益求精：「佢係咁叫我掟佢落地，我都幾唔好意思，話哂都係影帝，咁佢要求，我就唯有掟佢落地。」
多地區性合作
談及和導演雷尼哈林合作，小齊指導演以荷里活方式拍攝華語電影，所有事好精準，分鏡亦好清楚：「有場戲喺葵涌，但一出嚟就變成喺中環，導演話要拍攝香港最靚嘅地方畀大家睇，之後仲要係去街市睇人斬雞，佢話呢個傳統有唐人街嘅感覺。」家輝則認為現今電影趨勢是多地區性合作，交流是好現象，甚至乎跟其他國家如印度、日本及伊朗等導演合作，對未來華語電影會更好。
任賢齊指導演以荷裡活方式拍攝華語電影，所有事都好精準。
張家輝認為多地區性合作的電影是好現象。
荷里活導演雷尼哈林和團隊合作愉快，感覺特別又奇妙。
楊紫瓊變楊紫？
內地女星楊紫首度拍攝港產片，她笑指演出要說英語及粵語，再加上內地及台灣劇組人員，感覺很奇妙，又指很喜歡影帝家輝，和他對戲時十分緊張，但想不到對方像小孩一樣天真活潑，更主動跟她聊天。楊紫透露片中亦有不少動作戲，她搞笑問導演是否原本想找楊紫瓊？最後搞錯找了自己：「導演初時想我演出像打女Super Woman的感覺，但最後變成每天我被人打，我有問導演是不是找錯人了。」
楊紫搞笑問導演是否原本想找楊紫瓊，最後搞錯才找了自己。
下載APP