英國劍橋大學法律系畢業嘅「十優港姐」麥明詩，近日同TVB攝製團隊去到英國拍攝旅遊特輯，而麥明詩亦有重遊母校劍橋大學拍攝。日前，由劍橋學生創立嘅新聞網站「The Tab」以「香港小姐不請自來被趕出春季舞會」為題發表文章，指麥明詩連同攝製隊喺舞會上呃飲呃食，又未獲授權拍攝，最終被請離場。
麥明詩被指擅闖劍橋舞會拍攝，TVB即時否認事件。
消息傳出後，TVB企業傳訊部副總監曾醒明即時為事件解畫，佢話：「攝製隊喺一個星期前已向主辦舞會單位申請，已獲批拍攝舞會過程，全體人員都有主辦單位發出嘅紫色手帶作識別。」至於要離場嘅原因，佢解釋係因為攝製隊在場令同學拘謹，所以被要求停止拍攝，最後喺和諧氣氛下離開會場。
麥明詩近日同TVB攝製團隊去到英國拍攝旅遊特輯。
下載APP