針對保安範疇的施政方針辯論昨日進入第二日，立法會火藥味濃厚，保安司司長黃少澤面對多位議員提問，多半未有直接回答，反而先「教育」多位議員，火力全開。其中議員高天賜更與黃少澤針鋒相對，一邊說對方「混淆概念」，一邊又指對方「沒有邏輯」，雙方都對原本的提問沒有任何共識。黃少澤事後似乎打算緩和氣氛，稱「我唔係講啲咩，我同高議員識咗20年，以前曾一齊出差飲酒食飯，但只係立場不同，你有你使命，我有我職責」。高天賜就指黃少澤好久沒有搵他食飯，黃少澤則稱每年都請高食飯，「成日要求我請你食飯，邏輯好有問題」，顯然雙方就連吃飯問題，都沒有共識。
保安司司長黃少澤
議員高天賜昨日在發言時指出，現時警隊士氣低落，前線警員亦沒有退休金制度，甚至表示曾與行政公職局局長高炳坤「交流」過，要求改善公務人員制度。高天賜說，自己一直有跟進公務人員法則，要求政府改進，但始終沒有回應。
議員高天賜
黃少澤回應完首輪議員提問，沒有直接回答高天賜，高再次重申相關問題質詢，更稱「司長你頭先未有回應我問題，唔該回應下」。
「點解你好似成日針對我」
黃司馬上表示，「其實我答咗你好多問題，你頭先無聽到」，更說一句「唔緊要，我回應你」。
黃司一開口就直指高天賜邏輯有問題，炮轟「點解高議員你成日都係咁，個邏輯有問題，高炳坤局長嘅問題
你應該去問佢，唔係問我。至於公務員士氣低落，我又唔覺喎，風災期間個個警員都非常落力，唔感覺士氣低落」，重申高「邏輯有問題，唔明點解好似成日針對我」。
黃司回應時，高天賜一邊聽一邊搖頭，更突然舉手向主席賀一誠表示「我要發言，再次發言唔該主席」，他稱「司長你話我唔守法，我都唔係好開心」，「其實我同你都冇兩句，你呢排都冇搵我食飯。關於提前退休，個個都想有退休金早啲走，前線人員得公積金但其實佢哋好想要退休金，但有退休金唔等於早走。而紀律部隊冇士氣，出街同士氣無關係，就算冇士氣都會出街，都要返工.」。黃司回應指，「提前退休要根據制度，但你成日怪我，治安警手續多，要依法，有法律要守法，唔係改就改到，係有制度跟。所以味話你邏輯有問題。而我每年都請你食飯，成日要求我請你食飯，但冇請過我，你真係邏輯好有問題」。
兩人全程對話火花四起，高天賜認為司長經常不聽他的言論；而黃司就炮轟高天賜沒有邏輯，就連吃飯問題，兩人都談不到一起。
「區議員 你唔好笑 好嗎」？
而稍早前議員區錦新發言時，指保安範疇上有濫權問題，包括近年有多名學者、記者被拒入境，甚至有一歲嬰兒被拒入境，又稱澳門近年「濫於起訴」，反映澳門紀監會（保安部隊及保安部門紀律監察委員會）毫無分析能力。
議員區錦新
黃少澤在首輪回應時，同樣未有回應區錦新，到第二輪質詢時，區錦新稱「你（黃少澤）回唔回應都冇所謂嘅，都係施政辯論」。黃司聽後立即表示，「區生，我唔覺得冇所謂，我覺得好有所謂，所以我先回應你問題」。黃司回應一開始就直轟區錦新對紀監會的說法是侮辱了黃顯輝議員（紀監會成員），他表示「紀監會是無調查權，如果社會上想開放，冇問題，我可以接受，但不等於無分析能力，你（區錦新）不能說紀監會冇分析能力，這是對黃顯輝議員的侮辱」。而對濫用執法問題，黃司又再轟區錦新「侮辱人」，他直言「你話警方濫用執法，今次你係對警員侮辱。遊行示威，點解咁多人遊行會守法，點解有人唔守法，我都有呢個疑問」。
而當議員葉兆佳問及澳門的恐襲風險評估程度時，黃少澤承認目前無相關法律規定恐襲指數，但澳門應屬低級，他講著講著，突然說，「區議員，你唔好笑，好嗎？呢個你都有義務，每個市民都有責任協助警方」。
議員葉兆佳
「為何不去問電信部門」？
議員蘇嘉豪則關注言論自由問題，他稱今年立法會議員選舉時，有社交媒體軟件僅在澳門無法使用，質疑政府在重大事件期間封鎖部分社交媒體，收窄市民言論自由，他要黃少澤承諾，未來不會以社會安全之名，侵犯居民的言論自由與通訊自由。
議員蘇嘉豪
黃少澤直言，有關問題「為何不向電信部門提問」？又稱言論自由並非絕對的自由，不能違反法律是底線。而對於監控措施會否打擊社會運動，他強調倫敦「天眼」（監控系統）也很先進，但不能說英國打擊民運，「你嘅前提係錯嘅，所以你要綜合去睇問題，當然，我相信你讀政治學嘅，會綜合嘅」。
下載APP