美國總統特朗普（Donald Trump）今朝離開日本，抵達亞洲訪問行程第二站韓國。而佢離開日本之前，就出席咗日本首相安倍晉三舉行嘅國宴，現場除咗政界人士，Piko太郎同日劇天后米倉涼子都有份出席。
Piko太郎去年憑洗脑神曲〈Pen Pineapple Apple Pen〉（PPAP）喺全球掀起熱潮，連特朗普孫女都係佢嘅粉絲。噚日，Piko太郎以招牌豹紋嘅打扮參加盛會，成功同特朗普與安倍晉三合照，特朗普仲搞笑問Piko太郎會唔會現場唱〈PPAP〉，而Piko太郎事後就公開合照，佢話可以同兩國元首合照，感到十分榮幸。
對於米倉涼子都獲邀出席，有傳佢曾於美國演出百老匯歌舞劇《Chicago》，喺當地都有知名度，因而獲特朗普點名希望米倉都參加今次宴會。
下載APP