郭富城（城城）老婆方媛（Moka）去月於香港誕下B 女。近日，初為人父的城城以品牌形象大使身份出席公開活動，吸引逾百名途人衝出馬路圍觀。城城指女兒是最好的生日禮物，暫時未決定是否擺百日宴，因為工作排到過年。問到會否追生第二胎？城城表示順其自然：「冇話刻意追求，都希望可以做稱職爸爸，總之呢刻家庭好開心。」
問到會否追生第二胎，郭富城表示順其自然。
郭富城暫時未決定是否為女兒擺百日宴。
初為人父的郭富城出席公開活動，吸引逾百名途人圍觀。
方媛罕有於社交網站貼出和郭富城的拖手相放閃。
在活動上，城城獲品牌送贈一對情侶腕錶，錶背面刻有城城一家三口成員英文名的首個字母「A、M、C 」。春風得意的城城表示尚未為女兒改中文名，英文名就和老婆Moka一齊改：「品牌問我有冇幫女兒改名，中文名未改，英文名係自己好鍾意一個C字頭嘅名，叫Chant，有希望嘅意思，同太太一齊改嘅。」
郭富城否認拜見薩迦赤津法王是為女兒祈福。
女兒係最好禮物
即將踏入52歲的城城直言今年生日特別開心，問到女兒是不是最好的生日禮物？城城聽聞即時甜笑：「可以咁講，我覺得要不斷創造夢想，當一個夢想實現就要定下一個目標，人生先會有意義。」城城認為工作及家庭同樣重要，現階段家庭很圓滿，在工作上要更加努力去達成未完成的願望：「拍更多好電影、唱歌開演唱會，都希望自己嘅計劃同夢想會慢慢實現。」
未決定擺百日宴
至於會不會擺百日宴？城城坦言暫時未決定，因為工作排到過年：「未知，暫時忙工作，想專注電影、廣告同出活動（工作時會唔捨得女兒？）都冇辦法，盡量配合時間安頓家人係最大心願，其餘時間都擺喺工作上，家庭責任好重要。」問到朋友有沒有見過B女？城城話：「未呀！ BB仲細，自己一直唔喺香港，遲啲啦，等佢大少少方便啲先。」係咪盡量安排工作唔好離港？佢話：「冇辦法，盡量配合，都安心嘅，因為屋企有嫲嫲同婆婆幫手照顧。」
郭富城獲品牌送上一對情侶腕錶，及一隻搖搖馬給女兒。
即將踏入52歲的郭富城坦言女兒是最好的生日禮物。
同家人慶祝生日
談及生日點過？城城透露會留在香港和家人一起過：「咁啱嗰日唔使開工，我而家好簡單，就係返屋企同屋企人食飯，切蛋糕同家人影下相已經好滿足，係最好嘅生日禮物。」至於女兒滿月如何慶祝？城城說：「好簡單，同外婆、嫲嫲食飯。嫲嫲呢方面好有經驗，因為我有五兄弟姊妹，我初為人父，知道做媽媽唔容易，要對家庭好啲，無論工作幾忙都要有時間陪家人，我相信身邊朋友都好明白同體諒，我希望做一個稱職爸爸。」
郭富城尚未為女兒改中文名，英文名就和老婆Moka一齊改。
主力陪女兒玩
近日，有報道指城城拜見薩迦赤津法王為女兒祈福，他表示沒有這個目的：「我一向信佛，大寶法王嚟咗，自己出席法教分享會，並唔係乜嘢求子，覺得冇論仔定女都係上天賜，係開心事。」問到會否追生第二胎？他說：「未有咁快，BB仲細，順其自然，冇話刻意追求，總之呢刻家庭好開心。」問到已經熟手湊B ？城城笑言：「我都係負責玩，因為有嫲嫲、婆婆，仲有陪月，呢方面唔需要我去做，但我都希望可以做稱職爸爸。」
郭富城直言現階段家庭很圓滿，在工作上要更加努力。
下載APP