余文樂、張晉主演的新戲《狂獸》將於今年年底上映。日前， 兩大主角「成魔之路」的預告片首度曝光，片中張晉一人單挑數十名大漢及余文樂，接二連三的動作場面震撼視覺，挑戰觀眾的官能極限。該片繼進身「韓國釜山電影節」參展，及打入「西班牙錫切斯電影節」競賽組別後，亦成功入圍「香港亞洲電影節」，未上映已被睇高一線。
余文樂主演的新戲入圍多個電影節參展。
電影《狂獸》破天荒齊集香港電影「金像獎」影帝林家棟、張晉、余文樂及文詠珊，加上《貪狼》吳樾等一班好打之人。在早前公開的預告片中，電影以「貪欲成狂、嫉惡成獸」發揚暴力美學，真拳實腿，充滿華語動作猛片風範。而該片亦不乏親情、兄弟情等故事線，是躋身國際影展的一大賣點。
電影發揚暴力美學，真拳實腿，充滿華語動作猛片風範。
曾演出《貪狼》的內地演員吳樾，亦是好打之人。
香港電影「金像獎」影帝林家棟在片中亦有精彩演出。
張晉突破金毛造型
在片中，張晉飾演一名辦案手法極端、嫉惡如仇的警察，他透露：「我每日都要拍濕身打戲，拍咗四個月，受傷傷口無限次反覆化膿，最後仲要喺狂風暴雨中嘅船上同水底展開驚險打鬥，喺海入面一直飲水，礦泉水嘅錢都慳返。」張晉在戲中有突破的金毛造型，他特別為了角色去染了一頭金毛：「拍戲期間漂咗好多次，先染到呢個金色，頭髮已經受損，每次開工都要搽好多護髮油，但打戲又要由頭濕到落尾，真係令我好煩惱。」
張晉在片中飾演一名辦案手法極端、嫉惡如仇的警察。
余文樂克服水戲恐懼
至於飾演反派的余文樂，拍攝期間日子也不好過，他笑言：「拍呢部戲真係我從影以嚟最辛苦，仲要克服拍下水戲嘅恐懼，但結果證明一切都係值得嘅。」余文樂表示難得導演願意去試，演員又願意去演：「好難得有一部咁創新嘅戲，所以我特別喜歡同新導演合作，加上同李子俊認識咗好多年，就算佢同鄭保瑞一樣又癲又喪，我都一定要參與呢部戲。」
余文樂這次飾演大反派，突破從影以來最大極限。
文詠珊在片中擔任女主角，有不少動作戲分。
每日花四粒鐘頭化妝
余文樂每日開工都要花四個鐘頭準備化妝及畫上紋身：「花咗好多時間喺每個細節上，大家會見到漁民臉上嘅痘皮和疤痕，喺我雙眼下面嘅都係特技化妝。而紋身嘅位置、圖案，都係以香港老漁民作參考，去營造出漁民嘅真實感。」他透露手上的燕子紋身是旅途平安的意思，反過來亦是叛逆的象徵，反映角色為私利不擇手段的一面。
余文樂每日開工都要花四個鐘頭畫上紋身。
進身多個電影節參展對於新戲進身多個電影節參展，張晉表示：「呢個故事係講當人面對魔鬼太多時，自己都會變成一隻魔鬼！我個角色就係呢一種人，深信警察變成魔鬼之後，罪犯先會對我感到恐懼，充滿思想掙扎！希望觀眾會喜歡這部電影！」余文樂則表示：「好開心繼《一念無明》後，連續兩年參加香港亞洲電影節。電影劇組上下都用盡全力做到最好。」
張晉有大量濕身打戲，及水底追逐的戲分。
下載APP