李克勤與容祖兒剛完成於美國舉行的巡迴演唱會。在巡唱期間，因要參加內地湖南衛視《我是歌手4》錄影，二人化身空中飛人，於內地、香港及美國三地不停往返。克勤自嘲變「李鐵人」，靠飲中藥補身撑住唱。而祖兒在紐約時就攰到背脊唔郁得，最後靠克勤的止痛藥救命。
李克勤與容祖兒的美國巡迴演唱會非常成功，場場爆滿。
兩人這次美國巡唱非常成功，場場爆滿，更破了拉斯維加斯最長演出紀錄，兩場唱了三小時。而康州也破了最快賣飛紀錄，兩小時所有門票售罄，可謂一票難求。克勤透露這次是過去十年間最忙的20天，他說：「只有大年初一半日喺香港，去咗爸爸屋企拜年。如果唔係演出時收到觀眾派嘅利是，根本唔覺已經過咗新年。」
在農曆新年時，兩人獲不少海外粉絲大派利是。
克勤靠飲中藥補身
由於忙碌的巡唱行程，兩人經常沒有睡覺就要上台表演。對此，克勤表示：「我覺得做咗『李鐵人』，日日靠飲中藥補身，一直撑住不停唱，長期處於一個亢奮狀態，根本唔知道時間，亦感覺唔到時差。」而祖兒就於紐約時攰到腰骨痛，她說：「係背脊嗰個位，痛到我動彈不得，最後係克勤畀咗兩粒止痛藥救我一命，得救之後精神番。」
李克勤透露自己靠飲中藥補身，才能撑住不停唱。
嚟緊繼續做「飛人」
在情人節當日，祖兒同克勤一家去大峽谷玩，但她在微博貼照片時，意外洩露男友劉浩龍亦同行。對此，祖兒鬼馬表示：「佢（劉浩龍）好似係嚟咗一陣，佢係嚟幫人湊仔做保母㗎，哈哈。」談及嚟緊兩人又再做空中飛人去長沙錄影《我是歌手4》，祖兒說：「我想買定止嘔丸囉，因為我哋啱啱先返嚟，聽日又要對住佢（李克勤）飛長沙，驚見到嘔。」
在巡唱期間，容祖兒和李克勤一齊行超市放鬆心情。
下載APP